ബംഗ്ലാദേശിനെതിരെ നേടിയ ഇരട്ടഗോളുകളോടെ അന്താരാഷ്ട്ര ഫു‌ട്ബോളിലെ ഗോളടിവീരന്മാരുടെ പട്ടികയിൽ ആദ്യ പത്തിലെത്തി ഇന്ത്യൻ നായകൻ സുനിൽ ഛേത്രി. മത്സരം ആരംഭിക്കുമ്പോൾ മെസിക്ക് ഒപ്പം 72 ഗോളുകളുമായി പതിനൊന്നാം സ്ഥാനത്തായിരുന്നു ഛേത്രി. യു എ ഇ താരം അലി മബ്കൂതിന്റെ 73 ഗോളുകള്‍ എന്ന റെക്കോര്‍ഡ് മറികടന്നാണ് ഛേത്രി ആദ്യ പത്തിലെതിയത്.

അതേസമയം ഇനി ദേശീയ ജേഴ്‌സിയിൽ 3 ഗോളുകൾ കൂടി നേടിയാൽ ഛേത്രിക്ക് ബ്രസീൽ ഇതിഹാസം പെലെയുടെ റെക്കോർഡിനൊപ്പമെത്താം. 77 ഗോളുകളാണ് പെലെ നേടിയിട്ടുള്ളത്. നിലവിൽ അന്താരാഷ്ട്ര ഫുട്ബോൾ കളിക്കുന്ന താരങ്ങളിൽ ക്രിസ്റ്റ്യോനോ റൊണാൾഡോ മാത്രമാണ് ഛേത്രിക്ക് മുൻപിലുള്ളത്. 103 ഗോളുകളാണ് ക്രിസ്റ്റ്യോനോ നേടിയിട്ടുള്ളത്.