പതിറ്റാണ്ടുകളായി മലയാള സിനിമയില്‍ നിറഞ്ഞുനില്‍ക്കുന്ന സംവിധായകനാണ് ജോഷി. സൂപ്പര്‍താരങ്ങള്‍ക്കൊത്ത കഥകള്‍ കണ്ടെത്താനും അവ വലിയ സിനിമകളാക്കി മാറ്റാനും മെഗാഹിറ്റുകള്‍ കൊയ്യാനും ജോഷിക്കുള്ള മിടുക്ക് അദ്ദേഹത്തിന്‍റെ മറ്റ് സമകാലികര്‍ക്ക് ആര്‍ക്കുമില്ല. ‘ട്വന്‍റി20’ പോലെ എല്ലാ താരങ്ങളെയും കൂട്ടിയിണക്കി ഒരു വമ്പന്‍ ഹിറ്റൊരുക്കാന്‍ ജോഷിയല്ലാതെ മറ്റാരുണ്ട്?
റണ്‍ ബേബി റണ്‍ വരെ അദ്ദേഹത്തിന്‍റെ പടയോട്ടം തുടര്‍ന്നു. എന്നാല്‍ അതിന് ശേഷം വന്ന ‘ലോക്പാല്‍’ എല്ലാ പ്രതീക്ഷകളും തകര്‍ത്ത സിനിമയാണ്. ആശയപരമായും സാങ്കേതികപരമായും തികഞ്ഞ പരാജയമായിരുന്നു ലോക്പാല്‍. ആ സിനിമയേക്കാള്‍ നിലവാരം കുറഞ്ഞ ഒരു ചിത്രവുമായി ജോഷി വീണ്ടും എത്തിയിരിക്കുന്നു. അതാണ് ‘സലാം കാശ്മീര്‍’!
