വീണ്ടും നല്ല സിനിമയുടെ പൂക്കാലം - നിദ്ര, ഈ അടുത്ത കാലത്ത്
PRO
ഭ്രാന്തിനും ജീവിതത്തിനുമിടയിലെ അതിര്‍വരമ്പിലൂടെ സഞ്ചരിക്കുന്ന യുവാവിന്‍റെയും അവന്‍റെ ഭാര്യയുടെയും കഥയാണ് നിദ്ര. വര്‍ഷങ്ങള്‍ക്കുമുമ്പ് ഭരതന്‍ സംവിധാനം ചെയ്ത ‘നിദ്ര’യുടെ റീമേക്ക്. വിജയ്മേനോനും ശാന്തികൃഷ്ണയും അനശ്വരമാക്കിയ പ്രധാന കഥാപാത്രങ്ങളെ പുനരവതരിപ്പിച്ചിരിക്കുന്നത് സിദ്ദാര്‍ത്ഥ് ഭരതനും റീമ കല്ലിങ്കലും.
ഒരു മികച്ച സിനിമ സമ്മാനിക്കാന്‍ സിദ്ദാര്‍ത്ഥിന് കഴിഞ്ഞിരിക്കുന്നു എന്നാണ് റിപ്പോര്‍ട്ടുകള്‍. ഫ്ലാഷ്ബാക്കില്‍ കൂടി കഥ തുടങ്ങുന്നു. രണ്ടാം പകുതിയില്‍ ഒരു ട്വിസ്റ്റ് ഉണ്ട്. ഇഴച്ചില്‍ തീരെ അനുഭവപ്പെടുന്നില്ല. വളരെ മനോഹരമായ ഒരു പ്രണയചിത്രം എന്നാണ് പൊതുവെ ഉയര്‍ന്നിരിക്കുന്ന അഭിപ്രായം.
സമീര്‍ താഹിറിന്‍റെ ക്യാമറ, സിദ്ദാര്‍ത്ഥിന്‍റെ സംവിധാനവും അഭിനയവും, റീമാ കല്ലിങ്കലിന്‍റെ പ്രകടനം, സംഭാഷണങ്ങള്‍ എന്നിവയാണ് ചിത്രത്തിന്‍റെ പ്ലസ് പോയിന്‍റ്. ജാസി ഗിഫ്റ്റിന്‍റെ സംഗീതം, പ്രത്യേകിച്ചും പശ്ചാത്തല സംഗീതം മികച്ചുനില്‍ക്കുന്നു.
ലോ ബജറ്റ് ചിത്രമായതിനാല്‍ തിയേറ്ററുകളില്‍ നിന്നുതന്നെ ‘നിദ്ര’ ലാഭം നേടുമെന്നാണ് സൂചന.
WEBDUNIA|
അടുത്ത പേജില്‍ - അടുത്ത കാലത്ത് ‘സൂപ്പര്‍ ത്രില്ലര്‍’
