തിളക്കം കുറയാത്ത സ്വര്‍ണ്ണം

PRO

PRD

കഥയുടെ ചരട് പൊട്ടാതെ തന്നെ ചിത്രത്തെ മുന്നോട്ട് നയിക്കുവാന്‍ കഥാകൃത്ത് സുരേഷ്ബാബുവിനു കഴിയുന്നുണ്ട്. എന്നിരുന്നാലും ജീവിതഗന്ധിയായ കഥകള്‍ സിനിമയാക്കുമ്പോള്‍ ഉണ്ടാകുന്ന ഇഴച്ചിലില്‍ നിന്നും മാറി നില്‍ക്കാന്‍ ചിത്രത്തിനാകുന്നില്ല. രണ്ടാം പകുതിയിലാണ് ഇതേറ്റവും കാണുന്നതും. ഭക്തിയും പ്രണയവും നാടകീയതയും ഒക്കെ കൂടിച്ചേര്‍ന്ന ചിത്രത്തിന് ഒടുവില്‍ പ്രേക്ഷകനു രസിക്കുന്ന തരത്തിലുള്ള ഒരു ക്ലൈമാക്‍സും ചിത്രത്തിനുണ്ട്.

ഹൃദയ ഹാരിയായ രംഗങ്ങളിലൂടെ പ്രേക്ഷകനെ നൊമ്പരപ്പെടുത്താനും ചിലപ്പോഴൊക്കെ പ്രേക്ഷകനെ ഉത്‌ക്കണ്ഠയിലേക്ക് കൂട്ടിക്കൊണ്ടു പോകുവാനും ചിത്രത്തിനു കഴിയുന്നുണ്ട്. ഒന്നാന്തരം താരങ്ങളും അഭിനയ മുഹൂര്‍ത്തങ്ങളുമാണ് ചിത്രത്തിന്‍റെ യഥാര്‍ത്ഥ സമ്പത്ത്. ചെറിയ കഥയെ നന്നായി നിയന്ത്രിക്കാന്‍ സംവിധായകന്‍ വേണു ഗോപനായി.

സാലൂ ജോര്‍ജ്ജിന്‍റെ ഛായാഗ്രഹണവും മോശമാകുന്നില്ല. മികച്ച ഒരു സ്ക്രിപ്റ്റാണ് ചിത്രത്തിന്‍റെ മേന്‍‌മ. വലിച്ചു വാരി ചെയ്ത കുറെ ബോറന്‍ ആക്ഷന്‍ ചിത്രങ്ങള്‍ക്ക് ശേഷം കലാഭവന്‍ മണി അഭിനയത്തിന്‍റെ വ്യത്യസ്ത തലങ്ങളിലൂടെ പ്രേക്ഷകരെ കൂട്ടിക്കൊണ്ട് പോകുന്നു. നിരവധി മസാലച്ചിത്രങ്ങള്‍ക്ക് ശേഷം അഭിനയിക്കാന്‍ ലഭിച്ചിരിക്കുന്ന അവസരം മണി നന്നായി പ്രയോജനപ്പെടുത്തിക്കുകയാണ്.

WEBDUNIA|

വളരെ കാലത്തിനു ശേഷം ബിഗ് സ്ക്രീനില്‍ എത്തുന്ന പ്രവീണയും ഒപ്പം നില്‍ക്കുന്ന പ്രകടനമാണ് നടത്തുന്നത്. ഉത്‌ക്കഠയും ബന്ധങ്ങളുടെ വൈകാരികതയും ആത്‌മ നൊമ്പരങ്ങളും നല്ല ബാലന്‍‌സില്‍ കൊണ്ടു പോകാന്‍ പ്രവീണയ്‌ക്ക് കഴിഞ്ഞു. മറ്റ് താരങ്ങളുടെ നിര ഏറ്റവും പ്രഗത്‌ഭരുടേതാണ്. ഷീല, മുരളി, ജഗതി, ഹരിശ്രീ അശോകന്‍, കെ പി എ സി ലളിത.

അനുബന്ധ വാര്‍ത്തകള്‍

ഇതിനെക്കുറിച്ച് കൂടുതല്‍ വായിക്കുക :

തിളക്കം കുറയാത്ത സ്വര്‍ണ്ണം