അനുബന്ധ വാര്ത്തകള്
- മമ്മൂട്ടി രണ്ട് ‘ദൃശ്യ’ങ്ങളൊരുക്കി; രണ്ട് ഗംഭീര ത്രില്ലറുകള് !
- മോഹന്ലാലിനെതിരായ ഭീമഹര്ജിക്കു പിന്നിലെ കാരണം വ്യക്തമാക്കി കമല് രംഗത്ത്
- ആദ്യം മമ്മൂട്ടിയെ ചെളി വാരിയെറിഞ്ഞു, അദ്ദേഹം കൈകൊടുത്ത് വലുതാക്കിയവരും അക്കൂട്ടത്തിൽ ഉണ്ടായിരുന്നു, ഇപ്പോൾ മോഹൻലാൽ?- ആഞ്ഞടിച്ച് മേജർ രവി
- 'മമ്മൂട്ടിയായാലും ഇതേ നിലപാട് തന്നെയായിരിക്കും, മോഹൻലാലിനെതിരായുള്ള ആക്രമണം മാത്രമല്ല ഇത്'
- വാക്കുകൾ നിശ്ചലമാകുമ്പോൾ ഈ കണ്ണുകൾ സംസാരിക്കും! റാമിനെ നിരാശപ്പെടുത്താതെ മമ്മൂട്ടി!
ഒടിയന് വമ്പന് ഹിറ്റാക്കാന് മമ്മൂട്ടി!
മലയാളത്തിലെ അടുത്ത 100 കോടി ക്ലബ് പ്രതീക്ഷയാണ് ഒടിയന്. മോഹന്ലാല് നായകനാകുന്ന ഈ സിനിമ ഒരുപാടുപേരുടെ സ്വപ്ന സാക്ഷാത്കാരമാണ്. ആന്റണി പെരുമ്പാവൂര് നിര്മ്മിക്കുന്ന ചിത്രം സംവിധാനം ചെയ്യുന്നത് ശ്രീകുമാര് മേനോനാണ്.
ദേശീയ പുരസ്കാര ജേതാവായ ഹരികൃഷ്ണന്റെ തിരക്കഥയില് വിരിയുന്ന ഈ ഫാന്റസി ത്രില്ലറില് മമ്മൂട്ടിയുമുണ്ടാകും എന്ന സൂചനകള് ലഭിക്കുന്നു. ചിത്രത്തിന്റെ നരേഷന് മമ്മൂട്ടിയുടെ ഗാംഭീര്യമുള്ള ശബ്ദത്തിലാകുമെന്നാണ് വിവരം. ഭൂമിയിലെ അവസാനത്തെ ഒടിയനെക്കുറിച്ചുള്ള മമ്മൂട്ടിയുടെ വിവരണത്തോടെയാണത്രേ സിനിമ ആരംഭിക്കുന്നത്.
കഴിഞ്ഞ വര്ഷം മോഹന്ലാലിന്റെ ‘1971 ബിയോണ്ട് ബോര്ഡേഴ്സ്’ എന്ന മേജര് രവി ചിത്രത്തിന്റെ നരേഷനും മമ്മൂട്ടിയായിരുന്നു. മമ്മൂട്ടിയും മോഹന്ലാലും ഇത്തരത്തില് പരസ്പരം സഹകരിക്കുന്നത് പതിവാണ്. ഒടിയന്റെ പകിട്ടിന് മമ്മൂട്ടിയുടെ ശബ്ദസാന്നിധ്യം മാറ്റുകൂട്ടുമെന്നതില് സംശയമില്ല.
ഒക്ടോബറില് പ്രദര്ശനത്തിനെത്തുന്ന ഒടിയന്റെ ആക്ഷന് കോറിയോഗ്രഫി പീറ്റര് ഹെയ്ന് നിര്വഹിക്കും. നരനും പുലിമുരുകനുമൊക്കെ ക്യാമറയിലാക്കിയ ഷാജി കുമാറാണ് ഒടിയന്റെ ഛായാഗ്രഹണം. മഞ്ജു വാര്യര്, പ്രകാശ് രാജ് തുടങ്ങിയ വന് താരനിരയാണ് ഒടിയനിലുള്ളത്.
എന്തായാലും മലയാളത്തിലെ എക്കാലത്തെയും ചെലവേറിയ സിനിമ ഏറ്റവും മികച്ച രീതിയില് അവതരിപ്പിക്കാനാണ് അണിയറപ്രവര്ത്തകര് ശ്രമിച്ചുകൊണ്ടിരിക്കുന്നത്.
