നിമിഷ സജയനെ നെഞ്ചോട് ചേർത്ത് ആശ്വസിപ്പിച്ച് മമ്മൂട്ടി,'വണ്‍' പുത്തൻ പോസ്റ്റർ തരംഗമാകുന്നു !

കെ ആര്‍ അനൂപ്| Last Modified ബുധന്‍, 17 ഫെബ്രുവരി 2021 (12:59 IST)

കേരള മുഖ്യമന്ത്രി കടക്കൽ ചന്ദ്രനായി മമ്മൂട്ടി എത്തുന്ന ചിത്രമാണ് 'വണ്‍'. ഏറെ പ്രതീക്ഷയോടെ കാത്തിരിക്കുന്ന ചിത്രത്തിൻറെ പുതിയ പോസ്റ്റർ പങ്കുവെച്ച് മെഗാസ്റ്റാർ. നിമിഷ സജയനെ നെഞ്ചോട് ചേർത്ത് ആശ്വസിപ്പിക്കുന്ന കടക്കൽ ചന്ദ്രനെയാണ് ചിത്രത്തിൽ കാണാനാകുന്നത്.സിനിമ എങ്ങനെ ഉള്ളതായിരിക്കും എന്ന സൂചന കൂടിയാണ് ഈ പോസ്റ്റർ നടക്കുന്നത്. ജനങ്ങളുടെ പ്രശ്നങ്ങൾ നേരിട്ട് ഇടപെടുന്ന ജനപ്രിയനായ മുഖ്യമന്ത്രിയായി ആയിരിക്കും മെഗാസ്റ്റാർ എത്തുന്നത്. സ്ത്രീകൾ നേരിടുന്ന വിവിധ പ്രശ്നങ്ങളെ കുറിച്ചും സിനിമ ചർച്ച ചെയ്യുന്നുണ്ടെന്നാണ് കരുതുന്നത്. സിനിമ ഉടൻ തന്നെ പ്രേക്ഷകരിലേക്ക് എത്തും.
  
അടുത്തിടെ പുറത്തുവന്ന ടീസറിന് മികച്ച പ്രതികരണമാണ് ലഭിച്ചത്. 2015-ൽ പുറത്തിറങ്ങിയ ചിറകൊടിഞ്ഞ കിനാവുകള്‍ എന്ന ചിത്രത്തിനുശേഷം സന്തോഷ് വിശ്വനാഥ് സംവിധാനം ചെയ്യുന്ന ചിത്രം കൂടിയാണിത്.ബോബി-സഞ്ജയ് ടീമിൻറെ ആണ് തിരക്കഥ.
 
വൈദി സോമസുന്ദരം ഛായാഗ്രഹണം നിർവഹിക്കുന്നു. ഗോപിസുന്ദര്‍ ചിത്രത്തിനായി സംഗീതം ഒരുക്കുന്നു.ഇച്ചായിസ് പ്രൊഡക്ഷന്‍സാണ് സിനിമ നിർമ്മിക്കുന്നത്.



ഇതിനെക്കുറിച്ച് കൂടുതല്‍ വായിക്കുക :