ഹൃതിക് റോഷനെ ശല്യപ്പെടുത്തിയ റഷ്യന്‍ ആരാധിക പൊലീസ് പിടിയില്‍
മുംബൈ|
WEBDUNIA|
Last Modified ചൊവ്വ, 4 ജൂണ്‍ 2013 (15:56 IST)
PRO
PRO
ബോളിവുഡ് താരം ഹൃതിക് റോഷനെ ശല്യപ്പെടുത്തിയ റഷ്യന്‍ ആരാധികയെ പൊലീസ് അറസ്റ്റ് ചെയ്തു. റഷ്യക്കാരിയായ അന്നയാണ് താരത്തിനെ ശല്യം ചെയ്തതിന് പൊലീസ് പിടിയിലായത്.
ഹൃതികിന്റെ കടുത്ത ആരാധികയായ അന്ന ജുഹു ബീച്ചിനു സമീപമുള്ള താരത്തിന്റെ വീടിനു മുന്‍പില്‍ ദിവസങ്ങളോളം സന്ദര്‍ശം നടത്തിയിരുന്നു. ഹൃതികിനെ ഒരു നേക്കുകാണാന്‍ വേണ്ടിയായിരുന്നു അന്നയുടെ നിത്യ സന്ദര്‍ശനം. സന്ദര്‍ശന സമയങ്ങളില്‍ യുവതി ഉച്ചത്തില്‍ ശബ്ദം വയ്ക്കുകയും ഹൃതികിനോട് സംസാരിക്കണമെന്ന് ആവശ്യപ്പെടുകയും ചെയ്തിരുന്നു. ഒരു ദിവസം ഹൃതികിന്റെ വീട്ടില്‍ അതിക്രമിച്ചു കയറാന്‍ ശ്രമിച്ച യുവതിയെ സെക്യൂരിറ്റിക്കാര്‍ പിടികൂടുകയായിരുന്നു.
തുടര്‍ന്ന് ഹൃതികിന്റെ അഛന്‍ രാകേഷ് റോഷന്റെ സി‌ഇഒ ശശാങ്ക് പൊലീസില്‍ പരാതിപ്പെടുകയായിരുന്നു. പൊലീസ് യുവതിക്കെതിരെ കേസ് റജിസ്റ്റര്‍ ചെയ്തതായി അറിയിച്ചു.
