മലയാളികള് കൂടുതലും തമിഴ് സിനിമകളും കാണുന്നവരാണ്. തമിഴിലെ മികച്ച ചിത്രങ്ങള് കേരളത്തിലും നൂറിലധികം തിയേറ്ററുകളില് റിലീസ് ചെയ്യാറുണ്ട്. നൂറിലധികം ദിവസങ്ങള് പ്രദര്ശിപ്പിക്കാറുമുണ്ട്. വിജയ്, സൂര്യ, അജിത് തുടങ്ങിയ താരങ്ങള്ക്ക് വലിയ ആരാധകവൃന്ദമാണ് കേരളത്തിലുള്ളത്. രജനീകാന്തിന്റെയും കമലഹാസന്റെയും കാര്യം പിന്നെ പറയേണ്ടതില്ല. 2013ന്റെ ആദ്യ ആറുമാസങ്ങള് കടന്നുപോകുമ്പോള് തമിഴ് സിനിമാലോകത്തിന് നഷ്ടത്തിന്റെ കണക്കുകളാണ് പറയാനുള്ളത്. 78 സിനിമകള് റിലീസായപ്പോള് പ്രേക്ഷകരെ ആകര്ഷിച്ചത് വെറും പത്ത് സിനിമകള് മാത്രം.
