അനുബന്ധ വാര്ത്തകള്
- വേറൊരു പെണ്ണുമായി അയാള്ക്ക് രഹസ്യബന്ധമുണ്ടായിരുന്നു, അയാള് സ്നേഹിച്ചത് എന്റെ പണത്തേയും പ്രശസ്തിയേയും മാത്രം; കിഷോര് സത്യയുമായുള്ള ബന്ധത്തെ കുറിച്ച് ചാര്മിളയുടെ വാക്കുകള്
- 'എ' പടം എന്നാല് ആണുങ്ങള്ക്ക് മാത്രം കാണാന് ഉള്ളത് അല്ലല്ലോ: സ്വാസിക
- Pathaan Box Office collection Report: സംഘപരിവാര് ബഹിഷ്കരണങ്ങള് ഏറ്റില്ല; പത്താന് ആയിരം കോടി ക്ലബില് !
- ആ രാത്രി മേക്കപ്പ്മാനെ ഒപ്പം കിടത്തി; സംവിധായകനോട് പകരംവീട്ടിയതിനെ കുറിച്ച് ഇഷ ഗുപ്ത
- Bigg Boss Season 5: ബിഗ് ബോസ് സീസണ് അഞ്ച്: ആറാട്ട് അണ്ണന് സന്തോഷ് വര്ക്കി മത്സരാര്ഥിയായേക്കും !
Subi Suresh: ലിവര് സിറോസിസിനോട് ചിരിച്ചുകൊണ്ട് പോരാടിയ സുബി; മരണം കരള് മാറ്റിവയ്ക്കല് ശസ്ത്രക്രിയയ്ക്കായി ദാതാവിനെ തേടുന്നതിനിടെ !
കടുത്ത ആരോഗ്യപ്രശ്നങ്ങള്ക്കിടയിലും എല്ലാറ്റിനേയും ചിരിച്ചുകൊണ്ട് നേരിടുന്ന സുബിയെയാണ് സഹപ്രവര്ത്തകര് കണ്ടത്
Subi Suresh: കരള് സംബന്ധമായ രോഗത്തെ തുടര്ന്നാണ് നടിയും അവതാരകയുമായ സുബി സുരേഷിന്റെ മരണം. കഴിഞ്ഞ ഏതാനും മാസങ്ങളായി താരത്തിനു കടുത്ത ആരോഗ്യപ്രശ്നങ്ങളുണ്ടായിരുന്നു. ലിവര് സിറോസിസ് തിരിച്ചറിഞ്ഞതിനു ശേഷവും അഭിനയ ലോകത്ത് സജീവമായിരുന്നു താരം. മരുന്നുകള് കഴിച്ചാണ് ജീവിതം മുന്നോട്ടുകൊണ്ടുപോയിരുന്നത്.
കടുത്ത ആരോഗ്യപ്രശ്നങ്ങള്ക്കിടയിലും എല്ലാറ്റിനേയും ചിരിച്ചുകൊണ്ട് നേരിടുന്ന സുബിയെയാണ് സഹപ്രവര്ത്തകര് കണ്ടത്. കഴിഞ്ഞ 20 ദിവസമായി സുബിക്ക് രോഗം മൂര്ച്ഛിച്ചു. ആലുവയിലെ സ്വകാര്യ ആശുപത്രിയില് ചികിത്സയിലായിരുന്നു. അതിനിടെ കരള് മാറ്റിവയ്ക്കല് ശസ്ത്രക്രിയയ്ക്കായി ശ്രമങ്ങള് നടന്നു. കരള് മാറ്റിവയ്ക്കല് ശസ്ത്രക്രിയയ്ക്ക് ദാതാവിനെ തിരഞ്ഞുകൊണ്ടിരിക്കുന്നതിനിടെയാണ് സുബി ഈ ലോകത്തോട് യാത്ര പറഞ്ഞത്.
1988 ഓഗസ്റ്റ് 23 നാണ് സുബിയുടെ ജനനം. സ്റ്റേജ് ഷോകളിലൂടെയാണ് സുബി അഭിനയ ലോകത്തേക്ക് എത്തുന്നത്. അവതാരക, കോമഡി താരം, മോഡല് എന്നീ നിലകളിലെല്ലാം താരം ശ്രദ്ധിക്കപ്പെട്ടിട്ടുണ്ട്. സിനിമാല എന്ന കോമഡി പരിപാടിയിലൂടെയാണ് സുബി ശ്രദ്ധിക്കപ്പെട്ടത്.
അപരന്മാര് നഗരത്തില്, കനക സിംഹാസനം, ഹാപ്പി ഹസ്ബന്റ്സ്, ഡിറ്റക്ടീവ്, എല്സമ്മ എന്ന ആണ്കുട്ടി, ലക്കി ജോക്കര്, പച്ചക്കുതിര, കില്ലാടി രാമന്, ഐ ലൗ മി, പഞ്ചവര്ണതത്ത, ഡ്രാമ തുടങ്ങി നിരവധി സിനിമകളില് സുബി അഭിനയിച്ചിട്ടുണ്ട്.
