ഷങ്കര്‍- രാംചരണ്‍ ചിത്രം ഒരുങ്ങുന്നു. ഷൂട്ടിംഗ് വൈകാതെ തന്നെ ആരംഭിക്കുമെന്നാണ് വിവരം. കഴിഞ്ഞ ദിവസം ദില്‍ രാജു, ഷങ്കര്‍, രാം ചരണ്‍ എന്നിവര്‍ കൂടിക്കാഴ്ച നടത്തി. സിനിമയെക്കുറിച്ചുള്ള ചര്‍ച്ചകള്‍ നടന്നു. ഷൂട്ടിംഗ് സെപ്റ്റംബറില്‍ തുടങ്ങാനാണ് പദ്ധതിയിടുന്നത്.

'ആര്‍സി 15' എന്ന് താല്‍ക്കാലികമായി പേരിട്ടിരിക്കുന്ന പാന്‍-ഇന്ത്യന്‍ ചിത്രം തമിഴ്, തെലുങ്ക്, ഹിന്ദി ഭാഷകളില്‍ റിലീസ് ചെയ്യും. ബോളിവുഡ് നടി കിയാര അദ്വാനിയാണ് നായിക.

ഒരു പോലീസ് ഉദ്യോഗസ്ഥനായ രാംചരണിന്റെ കഥാപാത്രം ഒരു ഘട്ടത്തില്‍ രാഷ്ട്രീയക്കാരനായി മാറുകയും പിന്നീടുണ്ടാകുന്ന സംഭവവികാസങ്ങളുമാണ് സിനിമ പറയുന്നത് എന്നാണ് വിവരം. ഒരു സൂപ്പര്‍ സ്റ്റാര്‍ ചിത്രത്തില്‍ അതിഥി വേഷത്തില്‍ എത്തും എന്നും കേള്‍ക്കുന്നു.