ഒരു ഇടവേളക്ക് ശേഷം വീണ്ടും ചിത്രീകരണം പുനരാരംഭിച്ചിരിക്കുകയാണ് രാജമൗലിയുടെ 'ആര്‍ആര്‍ആര്‍' ടീം. ഹൈദരാബാദില്‍ അവസാന ഭാഗങ്ങളുടെ ചിത്രീകരണം തുടങ്ങി എന്നാണ് റിപ്പോര്‍ട്ടുകള്‍. ജൂണ്‍ 21 ന് തന്റെ പുതിയ രൂപം രാം ചരണ്‍ പങ്കുവെച്ചിരുന്നു. ചിത്രത്തിന്റെ ഷൂട്ടിംഗ് ആരംഭിച്ചതായി സൂചനയും നല്‍കി. ഇപ്പോളിതാ ജൂനിയര്‍ എന്‍ടിആറും ആര്‍ആര്‍ആറിന്റെ സെറ്റുകളില്‍ ചേര്‍ന്നിട്ടുണ്ടെന്നാണ് വിവരം.

ബാഹുബലി സീരിയസ് പോലെ തന്നെ രാജമൗലിയുടെ വരാനിരിക്കുന്ന 'ആര്‍ ആര്‍ ആറും ഒരു പാന്‍ ഇന്ത്യന്‍ ചിത്രമായാണ് ഒരുക്കുന്നത്. ബോളിവുഡില്‍ നിന്ന് ആലിയ ഭട്ടും അജയ് ദേവ്ഗണും എത്തുമ്പോള്‍ തമിഴില്‍ നിന്ന് സമുദ്രക്കനിയും ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നു. ഒലിവിയ മോറിസ്, റേ സ്റ്റീവന്‍സണ്‍ തുടങ്ങിയ അന്തര്‍ദേശീയ താരങ്ങളും സിനിമയുടെ ഭാഗമാണ്.ഒക്ടോബര്‍ 13 ന് റിലീസ് ചെയ്യാനാണ് പദ്ധതിയിട്ടിരിക്കുന്നത്.