മലയാള സിനിമയെ കണ്ടുപഠിക്കണം: തമിഴ് സിനിമയില് ഇന്നും ജാതീയത ഉണ്ടെന്ന് സമുദ്രകനി
samuthirakani
മലയാള സിനിമയെ കണ്ടുപഠിക്കണമെന്നും തമിഴ് സിനിമയില് ഇന്നും ജാതീയത ഉണ്ടെന്നും തമിഴ് നടന് സമുദ്രകനി. ഒരു അഭിമുഖത്തിലാണ് തമിഴ് നടന് സമുദ്രകനി തമിഴ് സിനിമയില് നിലനില്ക്കുന്ന ജാതിയതയെ കുറിച്ച് തുറന്നു പറഞ്ഞത്. ഈ തുറന്നു പറച്ചില് ഇപ്പോള് വിവാദമായിരിക്കുകയാണ്. ജാതി നോക്കി സിനിമയില് യൂണിറ്റിനെ തിരഞ്ഞെടുക്കുന്ന സംവിധായകര് തമിഴ് സിനിമയിലും തെലുങ്ക് സിനിമയിലും ഉണ്ടെന്ന് നടന് വെളിപ്പെടുത്തി. എന്നാല് മലയാള സിനിമയില് ഈ വേര്തിരിവ് താന് കണ്ടിട്ടില്ലെന്നും നടന് പറഞ്ഞു.
ജോലിസ്ഥലത്ത് ഒരുമയാണ് വേണ്ടതെന്നും ജാതി മതമെല്ലെന്നും സമുദ്രകനി പറഞ്ഞു. താരത്തിന്റെ തുറന്നു പറച്ചില് നിരവധി ചര്ച്ചകള്ക്ക് തുടക്കം കുറിച്ചിട്ടുണ്ട്. ഇതോടെ സോഷ്യല് മീഡിയയില് ജാതീയത പ്രകടിപ്പിക്കുന്ന സംവിധായകരുടെ പേരുകളും പുറത്തു വരുന്നുണ്ട്.
