അനുബന്ധ വാര്ത്തകള്
- 24 മണിക്കൂർ തരും, ധിക്കരിച്ചാൽ പ്രത്യാഘാതം 10 കോടിയിൽ ഒതുങ്ങില്ല; നയൻതാരക്ക് വീണ്ടും ധനുഷിന്റെ നോട്ടീസ്
- നയന്താരയുടെ പ്രണയത്തില് രാധിക ശരത്കുമാറിനെ വിളിച്ച് ധനുഷ്; അക്കാ നിങ്ങള്ക്ക് നാണമില്ലേ എന്ന് ചോദ്യം
- ആ രംഗങ്ങൾ 24 മണിക്കൂറിനകം നീക്കണം, ഇല്ലെങ്കിൽ നിയമനടപടി: നയൻതാരക്ക് അന്ത്യശാസനം നൽകി ധനുഷ്
- ഒപ്പം അഭിനയിച്ചവരും ധനുഷിനെതിരെ, നയൻതാരയെ പിന്തുണച്ച് പാർവതിയും നസ്റിയയും അടക്കമുള്ള താരങ്ങൾ
- നയൻതാരയ്ക്ക് സല്യൂട്ട് അടിച്ച് നടി പാർവതി
ധനുഷ്-നയൻതാര ക്ലാഷ് കണ്ട് അവർ രസിക്കുന്നു: പ്രതികരിച്ച് ആർ.ജെ ബാലാജി
ധനുഷ്-നയൻതാര വഴക്കാണ് സോഷ്യൽ മീഡിയയിലെ ചർച്ചാ വിഷയം. സ്റ്റാർ കാറ്റഗറിയിൽ ഉള്ള ധനുഷിനെ പോലൊരു നടനെതിരെ വളരെ രൂക്ഷമായ ഭാഷയിൽ നയൻതാരയെ പോലൊരു നടി തുറന്നടിക്കുന്നത് ഇന്ത്യൻ സിനിമയിൽ തന്നെ ആദ്യത്തെ സംഭവമാണ്. വെളിപ്പെടുത്തലിന് പിന്നാലെ, നയൻതാരയ്ക്ക് കടുത്ത സൈബർ ആക്രമണമാണ് ഉണ്ടായത്. നടൻ ധനുഷിനെതിരെയുള്ള നയൻതാരയുടെ വെളിപ്പെടുത്തലിൽ പ്രതികരണവുമായി നടൻ ആർ ജെ ബാലാജി രംഗത്ത്.
മറ്റെല്ലാവരെയും പോലെ സമൂഹ മാധ്യമങ്ങളിലൂടെയാണ് താനും ഇക്കാര്യം അറിഞ്ഞത് എന്ന് അദ്ദേഹം പറയുന്നു. പ്രേക്ഷകർ ഇത് കണ്ട് രസിക്കുകയാണ് എന്നും ബാലാജി പറഞ്ഞു. 'ഇതിൽ ഞാൻ എന്ത് പറയാനാണ്. ധനുഷ് പ്രതികരിച്ചിട്ടില്ല, ഇതിൽ അഭിപ്രായം പറയാൻ ഞാൻ ആരാണ്,' എന്നാണ് ആർ ജെ ബാലാജി ചോദിക്കുന്നത്. ഗലാട്ട നടത്തിയ ഒരു പരിപാടിക്കിടെ സംസാരിക്കുകയായിരുന്നു നടൻ.
അവർ ഇരുവരും പക്വതയുള്ള അഭിനേതാക്കളാണ് എന്നും അവർക്ക് നിയമപരമായോ സോഷ്യൽ മീഡിയ വഴിയോ പ്രശ്നം കൈകാര്യം ചെയ്യാമെന്നും അദ്ദേഹം പറയുന്നു. അവർക്ക് സംസാരിച്ച് പരിഹരിക്കാം, ഇല്ലെങ്കിൽ ഇല്ല. അത് എന്ത് തന്നെ ആയാലും അവരുടെ തീരുമാനമാണെന്നും തന്റെ ശ്രദ്ധ സൂര്യ സാറിനൊപ്പമുള്ള എൻ്റെ സിനിമയിലാണ് എന്നും ആർ.ജെ ബാലാജി അറിയിച്ചു.
