ഇന്ത്യന്‍ സിനിമ ലോകം ആഘോഷമാക്കിയ ബ്രഹ്മാണ്ഡ ചിത്രമായിരുന്നു ബാഹുബലി. 2015 ജൂലൈ 10ാം തീയതി ആയിരുന്നു ബാഹുബലി ദി ബിഗിനിങ് റിലീസായത്.2017 ഏപ്രില്‍ 28-നാണ് ബാഹുബലി ദി കണ്‍ക്ലൂഷന്‍ ഷൂട്ടിംഗ് തിയേറ്ററുകളില്‍ പ്രദര്‍ശനത്തിനെത്തിയത്.ബാഹുബലി സിനിമയുടെ അണിയറ പ്രവര്‍ത്തകര്‍ക്കും സിനിമയുടെ നിര്‍മ്മാതാവിനും നന്ദി പറയുകയാണ് സംവിധായകന്‍ പ്രിയദര്‍ശന്‍.

ബാഹുബലി പോലെ ഒരു ചിത്രം സംഭവിച്ചത് കൊണ്ടാണ്, ഇന്ത്യന്‍ സിനിമയില്‍ ഒരുപാട് വലിയ ചിത്രങ്ങള്‍ ഉണ്ടായതെന്ന് പ്രിയദര്‍ശന്‍ പറയുന്നു. പുതിയ നിര്‍മ്മാതാക്കള്‍ മുന്നോട്ട് കടന്നു വരുന്നതിനു കാരണമായത് ബാഹുബലി നേടിയ വിജയമാണ്. അതുകൊണ്ടുതന്നെ ബാഹുബലി നിര്‍മ്മാതാവ് ആരാണെന്ന് തനിക്ക് അറിയില്ലെങ്കിലും അദ്ദേഹത്തോട് നന്ദി പറയുന്നുവെന്നും ഇന്ത്യന്‍ സിനിമയുടെ മുഖം തന്നെ മാറ്റി മറിക്കാന്‍ അദ്ദേഹം വഹിച്ച പങ്ക് വളരെ വലുതാണെന്നും പ്രിയദര്‍ശന്‍ പറഞ്ഞു.