അനുബന്ധ വാര്ത്തകള്
- Narivetta Trailer: വെറും ഹീറോയിസമല്ല, വയനാടിന്റെ പോരാട്ടത്തിന്റെ കഥ; ഞെട്ടിക്കാന് ടൊവിനോ, നരിവേട്ട ട്രെയ്ലര്
- രണ്ട് ലക്ഷം വരെ, ആര്യയുടെ ഷോപ്പിലെ സാരികൾക്ക് കത്തി വിലയോ?
- 15 വർഷത്തെ സൗഹൃദം, 12 വയസ് വ്യത്യാസം; ഒരു മാസമായി വിശാലും ധൻഷികയും പ്രണയത്തിൽ
- ജീവ രക്ഷപ്പെട്ടു, രവി മോഹൻ പെട്ടു; കെനീഷ അവസരം മുതലാക്കുകയായിരുന്നുവെന്ന് ചാർമിള
- മഞ്ജുവിനെയും സമാന്തയെയും കണ്ടുപടിക്കൂ, അവർ ഒരു രൂപ പോലും വാങ്ങിയില്ല: ആർതിയോട് സോഷ്യൽ മീഡിയ
Narivetta Box Office Collection Day 1: ബോക്സ്ഓഫീസില് മികച്ച തുടക്കം; മൗത്ത് പബ്ലിസിറ്റി ഗുണം ചെയ്തു
പ്രവൃത്തിദിനമായിട്ടും മികച്ച ഒക്യുപ്പെന്സിയാണ് കേരളത്തില് ചിത്രത്തിനു ലഭിച്ചത്
Narivetta Box Office Collection Day 1: ടൊവിനോ തോമസിനെ നായകനാക്കി അനുരാജ് മനോഹര് സംവിധാനം ചെയ്ത 'നരിവേട്ട'യ്ക്കു ബോക്സ്ഓഫീസില് മികച്ച പ്രതികരണം. റിലീസ് ദിനത്തില് രണ്ട് കോടിക്ക് അടുത്ത് ഇന്ത്യന് ബോക്സ്ഓഫീസില് നിന്ന് കളക്ട് ചെയ്യാന് സാധിച്ചതായി സാക്നില്ക് റിപ്പോര്ട്ട് ചെയ്യുന്നു.
പ്രവൃത്തിദിനമായിട്ടും മികച്ച ഒക്യുപ്പെന്സിയാണ് കേരളത്തില് ചിത്രത്തിനു ലഭിച്ചത്. ഉച്ചയ്ക്കുള്ള ഷോയ്ക്ക് 28.73 ശതമാനമായിരുന്ന ഒക്യുപ്പെന്സി രാത്രിയാകുമ്പോഴേക്കും 51.71 ശതമാനമായി ഉയര്ന്നു. രണ്ടാം ദിനമായ ഇന്നും റിലീസിനു ശേഷമുള്ള ആദ്യ ഞായറാഴ്ചയായ നാളെയും മൂന്ന് കോടിക്ക് അടുത്ത് കളക്ട് ചെയ്യാന് സാധിക്കുമെന്നാണ് പ്രതീക്ഷ. ആദ്യദിനം മൗത്ത് പബ്ലിസിറ്റിയിലൂടെ പ്രേക്ഷകരെ സ്വന്തമാക്കാന് സിനിമയ്ക്കു സാധിച്ചിട്ടുണ്ട്. സോഷ്യല് മീഡിയയില് മികച്ച അഭിപ്രായമാണ് ചിത്രത്തിനു ലഭിച്ചുകൊണ്ടിരിക്കുന്നത്.
'ഇഷ്ക്കി'നു ശേഷം അനുരാജ് മനോഹര് സംവിധാനം ചെയ്ത 'നരിവേട്ട'യുടെ തിരക്കഥ അബിന് ജോസഫിന്റേതാണ്. കേന്ദ്ര സാഹിത്യ അക്കാദമി ജേതാവ് കൂടിയാണ് തിരക്കഥാകൃത്ത്. ഇന്ത്യന് സിനിമ കമ്പനിയുടെ ബാനറില് ഷിയാസ് ഹസ്സന്, ടിപ്പു ഷാന് എന്നിവര് ചേര്ന്നാണ് ചിത്രത്തിന്റെ നിര്മാണം. ഛായാഗ്രഹണം - വിജയ്. എഡിറ്റര് ഷമീര് മുഹമ്മദ്. ആര്ട്ട് - ബാവ. സുരാജ് വെഞ്ഞാറമൂട്, ചേരന്, പ്രിയംവദ കൃഷ്ണന്, ആര്യ സലിം എന്നിവര് മറ്റു പ്രധാന കഥാപാത്രങ്ങളെ അവതരിപ്പിച്ചിരിക്കുന്നു.
