എട്ട് വർഷത്തെ നീണ്ട പ്രണയത്തിനൊടുവിൽ അർജുൻ അശോകൻ നിഖിതയെ സ്വന്തമാക്കി. ഡിസംബർ രണ്ടിനായിരുന്നു ഇരുവരുടേയും വിവാഹം. അച്ഛൻ ഹരിശ്രീ അശോകന് പിന്നാലെ സിനിമയിൽ തിളങ്ങി നിൽക്കുന്ന താരമാണ് അർജുൻ അശോകൻ.

സൗബിന്റെ പറവയിലൂടെ ശ്രദ്ധേയനായി മാറിയ താരപുത്രന്റെ വിവാഹ സൽക്കാരത്തിനായി നവദമ്പതികളെ ആശീര്‍വദിക്കാനായി സിനിമാലോകം ഒന്നടങ്കം എത്തിയിരുന്നു. വിവാഹത്തിലും റിസപ്ക്ഷനിലും ആസിഫ് അലിയും കുടുംബവും പങ്കെടുത്തിരുന്നു.

ഹരിശ്രീ അശോകന്റെ അടുത്ത സുഹൃത്തുക്കളാണ് മമ്മൂട്ടിയും മോഹൻലാലും. ഇരുവരും താരപുത്രനെ അനുഗ്രഹിക്കുന്നതിനായി ഒരുമിച്ചെത്തിയിരുന്നു. ഇവരെക്കൂടാതെ ദുൽഖർ സൽമാൻ, സൗബിന്‍, രജിഷ വിജയന്‍, നിരഞ്ജന അനൂപ്, ഗണപതി തുടങ്ങിയവരും വിവാഹത്തില്‍ പങ്കെടുത്തിരുന്നു.