അനുബന്ധ വാര്ത്തകള്
- പക്വതയില്ലാത്ത പെണ്കുട്ടിയുടെ കയ്യില് കുറേ പണം വന്നപ്പോള് ഉണ്ടായ പ്രശ്നമാണ്, ലോഹിതദാസിനോട് മീര അമിത സ്വാതന്ത്ര്യം എടുത്തു; തങ്ങളുടെ ജീവിതത്തില് മീര ജാസ്മിന് അസ്വസ്ഥത സൃഷ്ടിച്ചിട്ടുണ്ടെന്ന് സിന്ധ
- ജാസ്മിന് മേരി എന്ന പേര് സിനിമാ നടിക്ക് ചേരില്ല, ലോഹിതദാസ് പേര് മാറ്റി; മീര ജാസ്മിന് എന്ന പേര് വന്നത് ഇങ്ങനെ
- സംവിധായകന് ലോഹിതദാസുമായുള്ള ബന്ധം തെറ്റിദ്ധരിക്കപ്പെട്ടതിനെ കുറിച്ച് മീര ജാസ്മിന് പറഞ്ഞ വാക്കുകള് ഇങ്ങനെ
- ഇന്ന് ജന്മദിനം ആഘോഷിക്കുന്ന നടി മീര ജാസ്മിന്റെ പ്രായം അറിയുമോ?
- നാളെ പിറന്നാള്, ഗ്ലാമര് ഫോട്ടോഷൂട്ടുമായി മീര ജാസ്മിന്, ചിത്രങ്ങള്
ഇങ്ങോട്ട് കടിച്ചുകീറാന് വന്നാല് അതേ നാണയത്തില് അങ്ങോട്ടും മറുപടി; തന്റെ സ്വഭാവത്തെ കുറിച്ച് മീര പണ്ട് പറഞ്ഞത്
മലയാളികള്ക്ക് പ്രിയപ്പെട്ട നടിയാണ് മീര ജാസ്മിന്. 2001 ല് പുറത്തിറങ്ങിയ സൂത്രധാരന് എന്ന ചിത്രത്തിലൂടെയാണ് മീര ജാസ്മിന് മലയാളത്തില് ശ്രദ്ധിക്കപ്പെടുന്നത്. പിന്നീട് ഗ്രാമഫോണ്, സ്വപ്നക്കൂട്, പെരുമഴക്കാലം, അച്ചുവിന്റെ അമ്മ, രസതന്ത്രം, വിനോദയാത്ര, ഒരേ കടല് തുടങ്ങി ഒരുപിടി മികച്ച സിനിമകളില് മീര അഭിനയിച്ചു. വളരെ പരിചയ സമ്പത്തുള്ള സംവിധായകരുടെ ചിത്രത്തില് അഭിനയിക്കാന് മീരയ്ക്ക് ഭാഗ്യം ലഭിച്ചു.
എന്നാല്, സിനിമ കരിയറില് ഒട്ടേറെ വിവാദങ്ങളും മീരയെ പിടികൂടി. സെറ്റിലേക്ക് വൈകി എത്തുന്ന താരമാണെന്നും തോന്നും പോലെ കാര്യങ്ങള് ചെയ്യുന്ന നടിയാണെന്നും പലയിടത്തുനിന്നും വിമര്ശനം ഉയര്ന്നിരുന്നു. മീര അച്ചടക്കമില്ലാത്ത നടിയാണെന്ന് സംവിധായകരും നിര്മാതാക്കളും കുറ്റപ്പെടുത്തി. ഇത്തരം വിമര്ശനങ്ങള്ക്കെല്ലാം മീര മറുപടിയും നല്കിയിരുന്നു. പണ്ട് മീര നല്കിയ പ്രതികരണമാണ് ഇപ്പോള് വീണ്ടും ചര്ച്ചയായിരിക്കുന്നത്. കൈരളി ടിവിയിലെ ജെബി ജങ്ഷനിലാണ് മീര തനിക്കെതിരായ ആക്ഷേപങ്ങള്ക്ക് മറുപടി നല്കിയത്.
'ഞാന് വിവാദങ്ങളെയും വിമര്ശനങ്ങളെയും ഇഗ്നോര് ചെയ്യും. ആളുകള്ക്ക് വെറുതെ എന്ത് വേണമെങ്കിലും പറയാം. ഞാന് ആരെയും കടിച്ചുകീറാന് പോകുന്ന ആളല്ല. എന്നോട് നന്നായി നിന്നാല് തിരിച്ചും ഞാന് നന്നായിട്ടേ നില്ക്കൂ. എന്നെ കടിച്ചുകീറാന് ആരെങ്കിലും വന്നാല് ഞാന് പ്രതികരിക്കും. വിവാദങ്ങള് എന്നെ ബാധിക്കുന്ന വിഷയമേ അല്ല. ഞാന് എന്റേതായ കാര്യങ്ങളില് വളരെ തിരക്കിലാണ്,' മീര പറഞ്ഞു.
