Rijisha M.|
Last Modified ചൊവ്വ, 27 നവം‌ബര്‍ 2018 (10:17 IST)
മമ്മൂട്ടിയുടെ ഏറ്റവും പുതിയ ചിത്രമായ ഉണ്ടയുടെ ചിത്രീകരണം കാസർഗോഡ് പുരോഗമിച്ച് വരികയാണ്. ചിത്രത്തിൽ മമ്മൂക്കയോടൊപ്പം ആസിഫലിയും വിനയ്‌ഫോർട്ടും ഉണ്ടാകുമെന്ന് നേരത്തേ തന്നെ റിപ്പോർട്ടുകൾ ഉണ്ടായിരുന്നു.
എന്നാൽ ആരാധകർക്ക് സസ്‌പെൻസായി ഉണ്ടയിലെ ആക്ഷൻ രംഗങ്ങളാണ് തകർക്കാൻ പോകുന്നത്. ഖാലിദ് റഹ്‌മാന്‍ സംവിധാനം ചെയ്യുന്ന ചിത്രത്തിൽ നക്സല്‍ ബാധിത പ്രദേശങ്ങളിലേക്ക് തെരഞ്ഞെടുപ്പ് ഡ്യൂട്ടിക്കായി പോകുന്ന പൊലീസ് ഉദ്യോഗസ്ഥനായാണ് മമ്മൂട്ടി അഭിനയിക്കുന്നത്.
ഈ കോമഡി എന്‍റര്‍ടെയ്നറിൽ ബോളിവുഡിലെ മുന്‍നിര ആക്ഷന്‍ കോറിയോഗ്രാഫര്‍മാരിലൊരാളായ ശ്യാം കൗശലാണ് ആക്ഷന്‍ രംഗങ്ങളൊരുക്കുന്നത്.
ഷൈന്‍ ടോം ചാക്കോ, ജേക്കബ് ഗ്രിഗറി, സുധി കോപ്പ, അര്‍ജുന്‍ അശോകന്‍, ദിലീഷ് പോത്തന്‍, അലന്‍സിയര്‍ തുടങ്ങി വന്‍താരനിര തന്നെ ചിത്രത്തില്‍ എത്തുന്നുണ്ട്. കാസര്‍കോട്ടെ ചിത്രീകരണം കഴിഞ്ഞതിന് ശേഷം സംഘം വയനാട്ടിലേക്ക് നീങ്ങുമെന്ന് അത് കഴിഞ്ഞ് ഛത്തീസ്ഗഢിലേക്ക് നീങ്ങുമെന്നുമുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്.
