മലയാളികൾ ഏറെ അധികം കേൾക്കാനാഗ്രഹിച്ച ഒരു വാർത്തയായിരുന്നു കുഞ്ചാക്കോ ബോബന് കുഞ്ഞ് ജനിക്കണം എന്നത്. ഒടുവിൽ കുടുംബത്തിന്റെ ആഗ്രഹം സഫലമായിരിക്കുകയാണ്. കാത്തിരുന്ന് ഒരു കണ്മണി അവർക്കിടയിലേക്ക്. 14 വർഷത്തെ കാത്തിരിപ്പിനൊടുവിൽ കുഞ്ഞ് ജനിച്ചതിന്റെ സന്തോഷത്തിലാണ് കുഞ്ചാക്കോ ബോബനും പ്രിയയും.

ഇവരും ആദ്യമായി തങ്ങളുടെ സന്തോഷം വനിതയ്ക്ക് നൽകിയ അഭിമുഖത്തിൽ വ്യക്തമാക്കുകയും ചെയ്യുന്നുണ്ട്. പ്രിയയുടെ വാക്കുകൾ: സങ്കടവും വിഷമവും ഉണ്ടെങ്കിലും എപ്പോഴും ആശ്വസിപ്പിക്കുന്നത് ചാക്കോച്ചൻ ആണ്. ചില കല്യാണങ്ങൾക്കൊക്കെ പോകുമ്പോൾ കുഞ്ഞില്ലേ? ഇത്രേം പ്രായമായില്ലേ ഇനി ഉണ്ടാകാൻ ബുദ്ധിമുട്ട് ആയിരിക്കും എന്നൊക്കെ പലരും പറയുമ്പോൾ മുറിവേൽക്കുന്നത് നമുക്കാണ്. അവരത് ചിന്തിക്കില്ല.’

‘ചാക്കോച്ചന്റെ ലോകം ഇപ്പോൾ കുഞ്ഞിനു ചുറ്റും കറങ്ങുകയാണ്. മോനെ കെട്ടിപ്പിടിക്കുന്നു, എടുത്ത് കൊണ്ട് നടക്കുന്നു. ചിലപ്പോൾ കുഞ്ഞു കരഞ്ഞാൽ ഞാൻ കേൾക്കാറില്ല. എന്നാൽ, ചാക്കോച്ചൻ പെട്ടന്നറിയുകയും ചാടിയെഴുന്നേൽക്കുകയും ചെയ്യും.’

‘കുഞ്ഞു വേണമെന്ന ആഗ്രഹമെല്ലാം ഓരോ തവണയും പരാജയപ്പെട്ടപ്പോഴെല്ലാം സാരമില്ല, വിഷമിക്കണ്ട, നമ്മൾ ഹാപ്പിയായി ഇരുന്നാൽ മതിയെന്ന് പറയുന്ന ആളാണ്. പക്ഷേ, ഇപ്പോൾ അവനോടുള്ള സ്നേഹം കാണുമ്പോൾ ദൈവമേ, ഇത്രയും മോഹം ഉള്ളിൽ ഒളിപ്പിച്ച് കൊണ്ടാണ് ഇത്രയും കാലം എന്നെ ആശ്വസിപ്പിച്ചത് എന്ന് തോന്നാറുണ്ട്’ - പ്രിയ പറയുന്നു.