അനുബന്ധ വാര്ത്തകള്
- ആലപ്പുഴ ജിംഖാന, ഭീമന്റെ വഴി സംവിധായകര് ഹൈബ്രിഡ് കഞ്ചാവുമായി അറസ്റ്റില്
- ഞങ്ങള്ക്കെതിരെ വന്നാല് പ്രത്യാഘാതം വലുതായിരിക്കും; ഇന്ത്യക്ക് പാക്കിസ്ഥാന്റെ ഭീഷണി
- India vs Pakistan: മിസൈല് പരീക്ഷണവുമായി പാക്കിസ്ഥാന്, നാവികാഭ്യാസം പ്രഖ്യാപിച്ചു; ജാഗ്രതയോടെ ഇന്ത്യ
- 'ഈ തീരുമാനം കൊണ്ട് എന്താണ് പ്രയോജനം'; പാക്കിസ്ഥാന് പൗരന്മാരെ ഇന്ത്യയില് നിന്ന് പറഞ്ഞുവിടണോ?
- വേണം തെളിവ്, നൂറ് ശതമാനം ഉറപ്പായാല് പാക്കിസ്ഥാനു ഇരട്ടി പ്രഹരം; കരുതലോടെ ഇന്ത്യ
ലഹരിക്കാരോട് ഒരു കോംപ്രമൈസിനുമില്ല; കഞ്ചാവുമായി പിടിയിലായ സംവിധായകരെ സസ്പെൻഡ് ചെയ്ത് ഫെഫ്ക
ഖാലിദ് റഹ്മാൻ, അഷ്റഫ് ഹംസ എന്നിവരെയാണ് ഫെഫ്ക ഡയറക്ടേഴ്സ് യൂണിയൻ സസ്പെൻഡ് ചെയതത്.
കൊച്ചി: ഹൈബ്രിഡ് കഞ്ചാവുമായി പിടിയിലായ യുവ സംവിധായകരെ സസ്പെൻഡ് ചെയ്ത് ഫെഫ്ക. ഖാലിദ് റഹ്മാൻ, അഷ്റഫ് ഹംസ എന്നിവരെയാണ് ഫെഫ്ക ഡയറക്ടേഴ്സ് യൂണിയൻ സസ്പെൻഡ് ചെയതത്. ലഹരി ഉപയോഗിക്കുന്നവരുമായി ഒരു തരത്തിലും സഹകരിക്കാൻ തയ്യാറാവില്ലെന്ന് നേരത്തെ ഫെഫ്ക ഭാരവാഹികൾ വ്യക്തമാക്കിയിരുന്നു. അതിന്റെ ഭാഗമായിട്ടാണ് നടപടി.
നേരത്തെ, ലഹരിയുമായി പിടിയിലായ മേക്കപ്പ്മാനെ അന്നു തന്നെ ഫെഫ്ക സസ്പെൻഡ് ചെയ്തിരുന്നു. ലഹരിയിൽ വലിപ്പ - ചെറുപ്പമില്ലാതെ നടപടി സ്വീകരിക്കുമെന്ന് ഫെഫ്ക പ്രസിഡന്റ് സംവിധായകൻ സിബി മലയിൽ പറഞ്ഞു.
അതേസമയം, ഇന്ന് വെളുപ്പിന് രണ്ടുമണിക്കാണ് ഛായാഗ്രാഹകൻ സമീർ താഹിറിന്റെ കൊച്ചിയിലെ ഫ്ലാറ്റിൽ എക്സൈസ് നടത്തിയ റെയ്ഡിൽ സംവിധായകരായ ഖാലിദ് റഹ്മാൻ, അഷ്റഫ് ഹംസ എന്നിവർ പിടിയിലായത്. ഷാലിഫ് മുഹമ്മദ് എന്നൊരാളും ഇവർക്കൊപ്പം അറസ്റ്റിലായി. ഇവർക്ക് കഞ്ചാവ് എത്തിച്ചുനൽകിയ ആളെ തിരിച്ചറിഞ്ഞതായി എക്സൈസ് സംഘം സൂചിപ്പിച്ചു. സമീർ താഹിറിനെ ചോദ്യം ചെയ്യാനായി വിളിച്ചുവരുത്തുമെന്ന് ഉദ്യോഗസ്ഥർ പറഞ്ഞു.
അനുരാഗ കരിക്കിൻ വെള്ളം, ഉണ്ട, ലവ്, തല്ലുമാല, ആലപ്പുഴ ജിംഖാന എന്നീ സിനിമകളുടെ സംവിധായകനാണ് ഖാലിദ് റഹ്മാൻ. തമാശ, ഭീമന്റെ വഴി, സുലൈഖ മൻസിൽ എന്നീ സിനിമകളുടെ സംവിധായകനാണ് അഷ്റഫ് ഹംസ. പിടിയിലായ സംവിധായകർ സ്ഥിരമായി ലഹരി ഉപയോഗിക്കുന്നവരാണെന്ന് എക്സൈസ് ഉദ്യോഗസ്ഥർ പറഞ്ഞു. സിനിമയുമായി ബന്ധപ്പെട്ട ചർച്ചകൾക്കായാണ് ഇവർ ഫ്ലാറ്റിലെത്തിയത്. രഹസ്യവിവരത്തിന്റെ അടിസ്ഥാനത്തിലായിരുന്നു എക്സൈസ് പരിശോധന.
