അനുബന്ധ വാര്ത്തകള്
- ‘ആരോപണം അടിസ്ഥാനരഹിതം, പാർവതിയെ ഭാരവാഹിയാക്കാനാണ് താൻ ശ്രമിച്ചത്’: പത്മപ്രിയയ്ക്ക് മറുപടിയുമായി ഇടവേള ബാബു
- മോഹൻലാലിനെ തള്ളി പത്മപ്രിയ; പാർവതി മത്സരിക്കാൻ സന്നദ്ധത അറിയിച്ചത് സെക്രട്ടറിയോട്
- ചിരിച്ചുല്ലസിച്ച് പൃഥ്വിയും നസ്രിയയും 'കൂടെ' പാർവതിയും; രസകരമായ ചിത്രീകരണ വീഡിയോ പുറത്ത്
- 'ഉപ്പും മുളകും' പരമ്പരയിൽ നിഷ തുടരും; നിലപാടറിയിച്ച് ഫ്ലവേഴ്സ് ചാനൽ
- നിഷ സാരംഗിനെ മമ്മൂട്ടി വിളിച്ചു, പിന്തുണയറിയിച്ച് 'അമ്മ'; 'ഉപ്പും മുളകും' പ്രശ്നത്തിന് പരിഹാരമാകുന്നു
പൃഥ്വിരാജും പാർവതിയും സിനിമയുടെ പ്രചാരണത്തിൽ സഹകരിക്കുന്നില്ല; ആരോപണവുമായി 'മൈ സ്റ്റോറി'യുടെ സംവിധായക
പൃഥ്വിരാജും പാർവതിയും സിനിമയുടെ പ്രചാരണത്തിൽ സഹകരിക്കുന്നില്ല; ആരോപണവുമായി 'മൈ സ്റ്റോറി'യുടെ സംവിധായക
പൃഥ്വിരാജിനോടും പാർവതിയോടുമുള്ള ദേഷ്യം 'മൈ സ്റ്റോറി'യോട് തീർക്കുന്നുവെന്ന് സംവിധായക റോഷ്നി ദിനകർ. 18 കോടി മുടക്കിയാണ് ചിത്രം റിലീസ് ചെയ്തത്. ചിത്രത്തിനെതിരെ ആസൂത്രിതമായ ഓൺലൈൻ ആക്രമണമാണ് നടക്കുന്നതെന്നും സംവിധായക പറഞ്ഞു.
പുതിയ സിനിമയായ ‘മൈ സ്റ്റോറി’ക്കെതിരെ ആസൂത്രിതമായ ഓൺലൈൻ ആക്രമണം നടക്കുന്നതായും പ്രധാന അഭിനേതാക്കൾ സിനിമയുടെ പ്രചാരണത്തിൽ സഹകരിക്കുന്നില്ലെന്നും സംവിധായക അഭിപ്രായപ്പെട്ടു. സിനിമയുടെ പാട്ടുകളും ടീസറും പുറത്തിറക്കിയതു മുതൽ സൈബർ ആക്രമണം തുടങ്ങി. ഞാൻ സ്ത്രീയായിട്ടും ഈ പ്രശ്നത്തിൽ സഹായിക്കാൻ വനിതാ കൂട്ടായ്മയായ ഡബ്ല്യുസിസി തയാറായില്ല. സിനിമയുടെ പ്രചാരണ പരിപാടികൾക്ക് പൃഥ്വിരാജും പാർവതിയും സഹകരിക്കുന്നില്ലന്നും റോഷ്നി ആരോപിച്ചു.
‘ഓൺലൈനിൽ കൂടി അവർ പ്രമോട്ട് ചെയ്യാം എന്നുപറഞ്ഞു. എന്നാൽ അങ്ങനെ പോലും അവർ സഹകരിക്കുന്നില്ല. ഞാൻ ഇവർക്കായി പ്രത്യേക കരാർ ഒന്നും ഒപ്പിട്ടിട്ടില്ല. എനിക്ക് വേണ്ടത് മുഴുവന് സിനിമാലോകത്തിന്റെയും പിന്തുണയാണ്. ലാലേട്ടന്റെയും മമ്മൂക്കയുടെയും പാര്വതിയുടെയും പൃഥ്വിരാജിന്റെയും ഉള്പ്പെടെ സിനിമാ ഇന്ഡസ്ട്രിയുടെ മുഴുവന് പിന്തുണയാണ് ഞാന് ആഗ്രഹിക്കുന്നത്. '
‘സിനിമയ്ക്ക് ആദ്യഘട്ടത്തിൽ പ്രതിസന്ധി വന്നപ്പോൾ ഡബ്യുസിസിയോട് പരാതിപറഞ്ഞിരുന്നു. എന്നാൽ അന്ന് സജിത മഠത്തിൽ പറഞ്ഞത് ‘ഞങ്ങൾ പരാതിയൊന്നും സ്വീകരിക്കാറില്ലെന്നാണ്. പാർവതിയുടെ നിലപാടുകളുടെ പേരിലാണ് സിനിമയെ ആക്രമിക്കുന്നത്. മോഹൻലാലിനോട് ഇതേക്കുറിച്ച് പറഞ്ഞു. സിനിമ നല്ലതാണെന്ന് വ്യാപകമായി പ്രചരിപ്പിക്കുകയാണ് വേണ്ടതെന്നായിരുന്നു അദ്ദേഹത്തിന്റെ മറുപടി. എന്നാൽ സിനിമയിൽ അഭിനയിച്ചവർ ഇതിനോട് സഹകരിക്കുന്നില്ല. ഈ അനുഭവം നാളെ ആർക്കുവേണമെങ്കിലും വരാം. അതുകൊണ്ടുതന്നെ മലയാള സിനിമാരംഗത്തുള്ളവർ ഇതിനെതിരെ രംഗത്തുവരണമെന്നും റോഷ്നി പറഞ്ഞു.
