മലയാള സിനിമയിലെ താരദമ്പതിമാരില്‍ പ്രേക്ഷകര്‍ക്ക് ഏറെ പ്രിയപ്പെട്ടവരാണ് ബിജു മേനോനും സംയുക്ത വര്‍മയും. സിനിമയിലെ സൗഹൃദമാണ് ഇരുവരെയും പിന്നീട് ജീവിതത്തില്‍ ഒരുമിപ്പിച്ചത്. ഇരുവരുടെയും കുട്ടിക്കാല ചിത്രമാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്.

സിനിമയിലെ സൗഹൃദം പ്രണയമാകുകയും പിന്നീട് ഇരുവരും ഒന്നിച്ച് ജീവിക്കാന്‍ തീരുമാനിക്കുകയുമായിരുന്നു. 2002 ലാണ് ഇരുവരും വിവാഹിതരായത്. മഴ, മധുരനൊമ്പരക്കാറ്റ്, മേഘമല്‍ഹാര്‍ എന്നീ ചിത്രങ്ങളിലാണ് ബുജു മോനോനും സംയുക്തയും നായികാനായകന്‍മാരായി അഭിനയിച്ചത്. മേഘമല്‍ഹാറിലെ ഇരുവരുടെയും അഭിനയം ഏറെ ശ്രദ്ധിക്കപ്പെട്ടിരുന്നു. ലാല്‍ജോസ് സംവിധാനം ചെയ്ത ചന്ദ്രനുദിക്കുന്ന ദിക്കില്‍ എന്ന ചിത്രത്തിലാണ് ഇരുവരും ആദ്യമായി ഒന്നിച്ച് അഭിനയിച്ചത്. എന്നാല്‍, നായികാനായകന്‍മാര്‍ അല്ലായിരുന്നു.

വിവാഹശേഷമാണ് സംയുക്ത സിനിമയില്‍ നിന്ന് ബ്രേക്ക് എടുത്തത്. കൈ നിറയെ ചിത്രങ്ങളുമായി ബിജു മേനോന്‍ മലയാള സിനിമയില്‍ തിളങ്ങി നില്‍ക്കുകയും ചെയ്യുന്നു. സംയുകത വീണ്ടും സിനിമയിലേക്ക് തിരിച്ചുവരുമോ എന്ന് ആരാധകര്‍ ചോദിക്കുന്നുണ്ട്. പൊതു പരിപാടികളിലും ചടങ്ങുകളിലും ബിജു മേനോനൊപ്പം സംയുക്തയും എത്താറുണ്ട്. ഇരുവരുടെയും കുടുംബചിത്രങ്ങള്‍ ആരാധകര്‍ വലിയ രീതിയില്‍ ഏറ്റെടുക്കുക പതിവാണ്.