ബാലതാരമായി വന്ന് ആരാധകരുടെ ഹൃദയങ്ങള്‍ കീഴടക്കിയ നടിയാണ് അനിഖ സുരേന്ദ്രന്‍. മലയാളത്തിനു പുറത്തും അനിഖ ഇപ്പോള്‍ സിനിമയില്‍ സജീവമാണ്. സിനിമയില്‍ എത്തിയ ശേഷം തന്നെ വിഷമിപ്പിച്ച ഒരു കാര്യത്തെ കുറിച്ച് തുറന്നുപറയാണ് അനിഖ ഇപ്പോള്‍. തന്റെ ഉയരക്കുറവ് പലപ്പോഴും തന്നെ വേദനിപ്പിച്ചിട്ടുണ്ടെന്നാണ് അനിഖ പറയുന്നത്.

എനിക്ക് ഹൈറ്റ് കുറവാണ്. ഞാന്‍ 5.2 മാത്രമേ ഉളൂ. ഇന്‍സ്റ്റഗ്രാമിലെല്ലാം എന്റെ ഫോട്ടോ കണ്ടിട്ട് നേരില്‍ കാണുമ്പോള്‍ ചിലര്‍ പറയും, ഹൊ അനിഖ ഇത്രയേ ഉള്ളോ, ഇത്ര ചെറുതാണോ.. ഇത്ര നീളം കുറവാണോ എന്ന്. അത് കേള്‍ക്കുമ്പോള്‍ എനിക്ക് ആദ്യമൊക്കെ ദേഷ്യം വരും. പക്ഷെ ഇപ്പോള്‍ ഞാനത് അംഗീകരിച്ചു. ഞാന്‍ അത്രയേ ഉള്ളൂ. ഇനി മാറ്റം ഒന്നും വരാന്‍ പോകുന്നില്ല. അതുകൊണ്ട് ഹൈ ഹീല്‍സ് തന്നെ ചവിട്ടി നടക്കാനാണ് തീരുമാനമെന്ന് അനിഖ പറയുന്നു.