അനുബന്ധ വാര്ത്തകള്
- വഴിവിട്ട ബന്ധത്തിനു നിര്ബന്ധിച്ച് സംവിധായകന്; അതിരൂക്ഷമായി പ്രതികരിച്ച് നടി, സെറ്റിലെ അനുഭവം തുറന്നുപറഞ്ഞ് ഗീത വിജയന്
- ഈ പയ്യന് നിസ്സാരക്കാരനല്ല ! ഇത് ഇവന്റെ പുത്തന് ലുക്ക്, ഈ സിനിമ താരത്തെ മനസ്സിലായോ?
- 50 കോടി ക്ലബ്ബില് '2018',നേട്ടം 7 ദിവസം കൊണ്ട് !
- Vinu Mohan: ഇന്ന് പിറന്നാള് ആഘോഷിക്കുന്ന വിനു മോഹന്റെ പ്രായം, നടന്റെ കുടുംബ വിശേഷങ്ങള്
- Antony Varghese: 'ചീത്ത വിളിച്ചവര്ക്കും കളിയാക്കിയവര്ക്കുമുള്ള മറുപടി ഇതാണ്'; ആന്റണി വര്ഗീസിന്റെ ഭാര്യയുടെ കുറിപ്പ്
ശാരീരികമായി മര്ദ്ദിക്കാന് ശ്രമം; അഖില് മാരാരെ ബിഗ് ബോസില് നിന്ന് പുറത്താക്കിയേക്കും, മോഹന്ലാലിന്റെ തീരുമാനം നിര്ണായകം
അഖിലിനെ പുറത്താക്കണമെന്ന് പ്രേക്ഷകര്ക്കിടയിലും ആവശ്യം ഉയര്ന്നിട്ടുണ്ട്
സഹമത്സരാര്ഥികളോടുള്ള മോശം പെരുമാറ്റത്തിന്റെ പേരില് ബിഗ് ബോസ് മലയാളം സീസണ് ഫൈവിലെ മത്സരാര്ഥി അഖില് മാരാരെ ഷോയില് നിന്ന് പുറത്താക്കിയേക്കുമെന്ന് വിവരം. ഇന്നലെ നടന്ന എപ്പിസോഡില് സഹമത്സരാര്ഥികളായ ശ്രുതി, റെനീഷ എന്നിവരോട് വളരെ മോശം രീതിയില് അഖില് പെരുമാറിയത് വിവാദമായിട്ടുണ്ട്. ഇവരെ മര്ദ്ദിക്കാന് അഖില് പല തവണ കയ്യോങ്ങുന്നതും എപ്പിസോഡില് കാണിച്ചു.
അഖിലിനെ പുറത്താക്കണമെന്ന് പ്രേക്ഷകര്ക്കിടയിലും ആവശ്യം ഉയര്ന്നിട്ടുണ്ട്. സഹമത്സരാര്ഥികളായ സ്ത്രീകളെ അടിക്കാന് പലതവണ കയ്യോങ്ങിയ അഖിലിനെ പോലൊരു മെയില് ഷോവനിസ്റ്റിനെ ബിഗ് ബോസ് ഷോയില് തുടരാന് അനുവദിക്കരുതെന്നാണ് ആവശ്യം. ഷോയുടെ അവതാരകനായ മോഹന്ലാല് തന്നെ ഇക്കാര്യത്തില് തീരുമാനമെടുക്കണമെന്നും നിരവധിപേര് സോഷ്യല് മീഡിയയില് ആവശ്യപ്പെട്ടിരിക്കുന്നു.
സ്ത്രീകളെ അടിക്കാന് കയ്യോങ്ങുന്നു, സ്ത്രീകളെ ഉപദ്രവിക്കുന്നു, അവരെ തെറി വിളിക്കുകയും അപമാനിക്കുകയും ചെയ്യുന്നു. ഇങ്ങനെയൊരു മത്സരാര്ഥിക്ക് കൂടുതല് വിസിബിലിറ്റി കൊടുക്കുന്നത് ബിഗ് ബോസ് പോലൊരു റിയാലിറ്റി ഷോയില് ഒഴിവാക്കുകയാണ് വേണ്ടത്. എന്ത് സന്ദേശമാണ് ഇതുകൊണ്ട് നല്കുന്നതെന്നും ബിഗ് ബോസ് പ്രേക്ഷകര് ചോദിക്കുന്നു.
ബിഗ് ബോസ് ഷോയ്ക്കിടെ തന്റെ ഭാര്യയെ അടിച്ചിട്ടുണ്ട് എന്ന് പോലും വളരെ കൂളായി അഖില് പറയുന്നു. മലയാളമല്ല മറ്റേതെങ്കിലും ഭാഷയില് ആണെങ്കില് പോലും ഇതിനെതിരെ ശക്തമായ നടപടിയെടുക്കും. സ്ത്രീകള്ക്കെതിരായ അതിക്രമം പ്രോത്സാഹിപ്പിച്ചതിന് ആ മത്സരാര്ഥിയെ പുറത്താക്കാനും മടിക്കില്ല. എന്നാല് മലയാളത്തില് അങ്ങനെയൊരു നടപടി ഇല്ലാത്തത് എന്തുകൊണ്ടാണെന്നും സോഷ്യല് മീഡിയ ചോദിക്കുന്നു.
