കോഴിപ്പോരിന്‍റെ പശ്ചാത്തലത്തിലായിരുന്നു ‘ആടുകളം’ എന്ന തമിഴ് സിനിമ. ഇന്ത്യന്‍ സിനിമാചരിത്രത്തിലെ ക്ലാസിക്കുകളുടെ കൂട്ടത്തിലാണ് ആടുകളത്തിന്‍റെ സ്ഥാനം. മികച്ച സംവിധായകനും നടനും തിരക്കഥാകൃത്തിനും ഉള്‍പ്പടെ ആറ്‌ ദേശീയ അവാര്‍ഡുകള്‍ സ്വന്തമാക്കിയ ആ സിനിമയുടെ ടീം വീണ്ടും ഒന്നിക്കുകയാണ്!
വെട്രിമാരന് സംവിധാനം ചെയ്ത് ധനുഷ് നായകനാകുന്ന പുതിയ സിനിമ വേങ്കൈസാമിയുടെ ചിത്രീകരണം ആരംഭിച്ചു. ധനുഷ് തന്നെയാണ് ഈ സിനിമ നിര്‍മ്മിക്കുന്നത്. നായികയെ തീരുമാനിച്ചിട്ടില്ല.
അമല പോളിനെ ഈ സിനിമയിലെ നായികാസ്ഥാനത്തേക്ക് പരിഗണിച്ചിരുന്നു. എന്നാല്‍ ധനുഷിന്‍റെ പുതിയ ചിത്രമായ ‘വേലയില്ലാ പട്ടധാരി’യില്‍ നായിക അമലയാണ്. അതുകൊണ്ടുതന്നെ വേങ്കൈസാമിയില്‍ പുതിയ നായിക വരും.
വെട്രിമാരന്‍റെ മൂന്നാമത്തെ സിനിമയാണ് വേങ്കൈസാമി. ആദ്യ ചിത്രമായ പൊല്ലാതവനിലും ധനുഷ് തന്നെയായിരുന്നു നായകന്‍.
