വഴിയരികില്‍ കിടക്കുന്നവരും വീടിനുള്ളില്‍ കഴിയുന്നവരും മറ്റും ആക്രമത്തിനിരയായി മരിച്ചാല്‍ അതിനെ ‘റിപ്പര്‘ മോഡല്‍ കൊലപാതകങ്ങളെന്നാണ് വിശേഷിപ്പിക്കാറുള്ളത്. കേരളത്തിലെ ജനങ്ങളെ മുള്‍മുനയില്‍ നിര്‍ത്തിയ ഒരു കൊലയാളിയാണ് റിപ്പര് ചന്ദ്രന്‍. അതിനുപിന്നാലെ റിപ്പറെന്ന് വിശേഷിപ്പിക്കപ്പെട്ട് നിരവധിപ്പേരും മാധ്യമങ്ങളില്‍ കുപ്രസിദ്ധരായി. യഥാര്‍ത്ഥത്തില്‍ ആരാണ് ഈ ‘റിപ്പര്‘.
പത്തൊമ്പതാം നൂറ്റാണ്ടിന്റെ അവസാനം ലോകത്തെതന്നെ നടുക്കിയ കൊലപാതകപരമ്പരയാണ് ലോകം ജാക്‌ ദ റിപ്പര് എന്നു വിളിച്ച കൊലയാളിക്ക് ജന്മം നല്‍കിയത്. തെരുവു വേശ്യകളെയാണ് അയാള്‍ കൊന്നത് . തലയ്ക്കടിയേറ്റ നിലയിലാ‍ണ് പലരെയും കണ്ടെത്തിയത്. വയറുകീറി ആന്തരാ‍വയവങ്ങള്‍ ചിലരുടെ പുറത്തെടുത്തിരുന്നു.
