സച്ചിനും കോലിയുമുള്ള ലിസ്റ്റിൽ ഇനി ബുമ്രയും, സവിശേഷമായ നേട്ടം സ്വന്തമാക്കി ഇന്ത്യൻ പേസർ

Publish: Sun, 15 Oct 2023 (09:45 IST) Updated: Sun, 15 Oct 2023 (09:32 IST)

ഏകദിന ലോകകപ്പില്‍ പാകിസ്ഥാനെ തകര്‍ത്ത പ്രകടനത്തോടെ സവിശേഷമായ ഒരു നേട്ടം സ്വന്തം പേരിലാക്കി ഇന്ത്യന്‍ പേസര്‍ ജസ്പ്രീത് ബുമ്ര. മത്സരത്തില്‍ മുഹമ്മദ് സിറാജ്,ഹാര്‍ദ്ദിക് പാണ്ഡ്യ,രവീന്ദ്ര ജഡേജ,കുല്‍ദീപ് യാദവ് എന്നിവരും ബുമ്രയ്‌ക്കൊപ്പം 2 വിക്കറ്റ് നേട്ടം സ്വന്തമാക്കിയിരുന്നെങ്കിലും 7 ഓവറില്‍ 19 റണ്‍സ് മാത്രം വിട്ടുനല്‍കികൊണ്ട് 2 വിക്കറ്റ് വീഴ്ത്തിയ ബുമ്രയുടെ സ്‌പെല്‍ മത്സരത്തില്‍ വലിയ ഇമ്പാക്ട് ഉണ്ടാക്കിയിരുന്നു.

പാകിസ്ഥാന്‍ ബാറ്റിംഗിലെ പ്രധാനികളായ മുഹമ്മദ് റിസ്‌വാന്‍(49), ഷദാബ് ഖാന്‍(2) എന്നിവരുടെ വിക്കറ്റുകളാണ് ബുമ്ര വീഴ്ത്തിയത്. ഈ പ്രകടനത്തോടെ ബുമ്ര മത്സരത്തിന്റെ താരമാകുകയും ചെയ്തിരുന്നു. ഏകദിന ലോകകപ്പില്‍ സച്ചിനും കോലിയ്‌ക്കൊപ്പം മാന്‍ ഓഫ് ദ മാച്ച് പുരസ്‌കാരം നേടിയ താരമെന്ന നേട്ടമാണ് മത്സരത്തോടെ ബുമ്ര നേടിയത്. പാകിസ്ഥാനെതിരെ ലോകകപ്പില്‍ 3 തവണ സച്ചിന്‍ മാന്‍ ഓഫ് ദ മാച്ച് പുരസ്‌കാരത്തിന് അര്‍ഹനായിട്ടുണ്ട്. 1992,2003,2011 വര്‍ഷങ്ങളിലായിരുന്നു ഇത്. 1996ല്‍ നവ്‌ജോത് സിദ്ദു, 1999 വെങ്കിടേഷ് പ്രസാദ്, 2015ല്‍ വിരാട് കോലി,2019ല്‍ രോഹിത് ശര്‍മ എന്നിവരാണ് പ്ലെയര്‍ ഓഫ് ദ മാച്ച് പുരസ്‌കാരം നേടിയിട്ടുള്ള മറ്റ് താരങ്ങള്‍.