അനുബന്ധ വാര്ത്തകള്
- അടുത്ത ഐപിഎല്ലിൽ ചെന്നൈ നിലനിർത്തേണ്ടത് ഈ മൂന്ന് പേരെ, നിർദേശവുമായി ഗംഭീർ
- റുതുരാജ് കെഎൽ രാഹുലിന്റെ കാറ്റഗറിയിൽ പെടുന്ന ബാറ്റ്സ്മാൻ, പ്രശംസ കൊണ്ട് മൂടി ലാറ
- അവസാന പന്തിൽ സിക്സറടിച്ച് കന്നി സെഞ്ചുറി, ഓറഞ്ച് ക്യാപ്: റെക്കോഡുകൾ വാരികൂട്ടി റുതുരാജ് ഗെയ്ക്ക്വാദ്
- വമ്പൻ ജോലി ഉപേക്ഷിച്ച് ക്രിക്കറ്റിലേക്ക്, കട്ട രജനി ഫാൻ: ആരാണ് കൊൽക്കത്തയുടെ പുതിയ തുറുപ്പ് ചീട്ടായ വെങ്കടേഷ് അയ്യർ?
- ഉത്തപ്പ മിന്നും ഫോമിൽ, ജാക്ക്പോട്ട് അടിച്ചത് ചെന്നൈ സൂപ്പർ കിംഗ്സിന്
വിജയ് ഹസാരെ ട്രോഫിയിലെ മിന്നും പ്രകടനം: യുവതാരങ്ങൾക്ക് ഏകദിന ടീമിൽ വിളിയെത്തിയേക്കും
വിജയ് ഹസാരെ ട്രോഫിയിൽ മിന്നുന്ന ഫോം കാഴ്ചവെയ്ക്കുന്ന വെങ്കിടേഷ് അയ്യർ, റുതുരാജ് ഗെയ്ക്വാദ് എന്നിവരെ ഇന്ത്യയുടെ ഏകദിന ടീമിൽ ഉൾപ്പെടുത്തിയേക്കും. ദക്ഷിണാഫ്രിക്കൻ പര്യടനത്തിലുള്ള ടീമിൽ യുവതാരങ്ങൾ ഇടം പിടിക്കുമെന്നാണ് പുറത്തുവരുന്ന റിപ്പോർട്ട്.
വിജയ് ഹസാരെ ട്രോഫിയിൽ ഇതുവരെ 2 സെഞ്ചുറികളാണ് വെങ്കിടേഷ് അയ്യർ നേടിയത്.കേരളത്തിനെതിരെ 84 പന്തില് 112 റണ്സാണ് താരം നേടിയത്. മൂന്ന് വിക്കറ്റും താരത്തിന്റെ അക്കൗണ്ടിലുണ്ടായിരുന്നു. പിന്നാലെ ഉത്തരാഖണ്ഡിനെതിരെ 49 പന്തില് 71 റണ്സും 2 വിക്കറ്റും ഉത്തർപ്രദേശിനെതിരെ സെഞ്ചുറിയും നേടിയിരുന്നു.
ഫോമിലല്ലാത്ത സ്റ്റാർ ഓൾറൗണ്ടർ ഹാർദ്ദിക് പാണ്ഡ്യയ്ക്ക് പകരം താരത്തെ ടീമിൽ പരിഗണിച്ചേക്കും. അതേസമയം ടൂർണമെന്റിൽ തുടർച്ചയായ 3 മത്സരങ്ങളിൽ സെഞ്ചുറി നേടിയാണ് മഹരാഷ്ട്ര ക്യാപ്റ്റന് റിതുരാജിന്റെ വരവ്. കേരളത്തിനെതിരെ 124, ഛത്തീസ്ഗഢിനെതിരെ 154, മധ്യപ്രദേശിനെതിരെ 136 എന്നിങ്ങനെയാണ് താരത്തിന്റെ സ്കോറുകൾ.
