അനുബന്ധ വാര്ത്തകള്
- ഏകദിന നായകസ്ഥാനത്ത് നിന്ന് കോലിയെ നീക്കി; ഇനി രോഹിത് ശര്മ നയിക്കും
- മാഗസിനിലെ സെക്സി ഫോട്ടോഷൂട്ട് ഇഷ്ടപ്പെട്ടില്ല; 2016 ല് അനുഷ്കയുമായുള്ള ബന്ധം അവസാനിപ്പിക്കാന് കോലി ആഗ്രഹിച്ചിരുന്നു
- വിരാട് കോലിയെ നായകസ്ഥാനത്തു നിന്ന് മാറ്റാന് ബിസിസിഐ ആലോചിക്കുന്നതായി റിപ്പോര്ട്ട്
- വിരാട് കോലി താടി വടിക്കാത്തത് അനുഷ്ക കാരണം; ആ രഹസ്യം ഇങ്ങനെ
- 'ഇയാള് എന്താണ് ചെയ്യുന്നത്? ഞാന് വേണേല് അവിടെ വന്ന് നില്ക്കാം'; അംപയര് നിതിന് മേനോനെതിരെ വിരാട് കോലി, വീഡിയോ പുറത്ത്
സ്വയം ഒഴിയാന് ബിസിസിഐ 48 മണിക്കൂര് അനുവദിച്ചു, കോലി തയ്യാറായില്ല; ഒടുവില് പുറത്താക്കി
ഏകദിന നായകസ്ഥാനത്തു നിന്ന് വിരാട് കോലിയെ പുറത്താക്കിയത് ഏറെ നാടകീയ സംഭവങ്ങള്ക്ക് ശേഷമെന്ന് റിപ്പോര്ട്ട്. സ്വയം രാജിവച്ച് ഒഴിയാന് ബിസിസിഐ 48 മണിക്കൂര് സമയം കോലിക്ക് അനുവദിച്ചിരുന്നതായാണ് സൂചന. വാര്ത്താ ഏജന്സിയായ പിടിഐ അടക്കമുള്ള മാധ്യമങ്ങളാണ് ഇക്കാര്യം റിപ്പോര്ട്ട് ചെയ്തിരിക്കുന്നത്.
48 മണിക്കൂര് സമയമാണ് കോലിക്ക് ബിസിസിഐ അനുവദിച്ചത്. ഏകദിന നായകസ്ഥാനത്തു നിന്ന് സ്വയം ഒഴിയാനായിരുന്നു ആവശ്യം. എന്നാല്, കോലി അതിനു തയ്യാറായില്ല. താന് സ്വയം രാജിവയ്ക്കില്ലെന്നും ബോര്ഡിന് വേണമെങ്കില് പുറത്താക്കാമെന്നും കോലി നിലപാടെടുത്തു. നേരത്തെ അനുവദിച്ച 48 മണിക്കൂര് പിന്നിട്ടപ്പോള് കോലിയെ ഏകദിന നായകസ്ഥാനത്തു നിന്ന് പുറത്താക്കിയതായി ബിസിസിഐ പ്രഖ്യാപിച്ചു. രോഹിത് ശര്മയെ നായകനാക്കാന് ബോര്ഡ് നേരത്തെ തീരുമാനിച്ചിരുന്നെന്നും ഈ റിപ്പോര്ട്ടില് പറയുന്നു. ടീം അംഗങ്ങളുമായി കോലിക്ക് നല്ല ബന്ധമില്ലെന്നും കോലിക്കെതിരായ ടീം അംഗങ്ങളുടെ പരാതിയാണ് ബിസിസിഐയെ ഇങ്ങനെയൊരു തീരുമാനം എടുക്കാന് പ്രേരിപ്പിച്ചതെന്നും റിപ്പോര്ട്ടില് സൂചിപ്പിക്കുന്നു.
