അനുബന്ധ വാര്ത്തകള്
- India vs England: അല്ലാ എന്താപ്പൊ ഉണ്ടായെ, കണ്ണടച്ചു തുറക്കുന്ന വേഗത്തിൽ ഇന്ത്യയ്ക്ക് 3 വിക്കറ്റ് നഷ്ടം, ഇടുത്തീയായി അവതരിച്ച് സാക്കിബ് മഹ്മൂദ്
- Suryakumar Yadav: ട്വന്റി 20 യില് ഇന്ത്യയുടെ എബിഡി ആയിരുന്നു, ഇപ്പോള് ക്യാപ്റ്റന്സി മാത്രം; സൂര്യകുമാറിന്റെ ഫോംഔട്ടില് ആരാധകര്ക്കു നിരാശ
- Suryakumar Yadav: 'ക്യാപ്റ്റന്സിയൊക്കെ കൊള്ളാം, പക്ഷേ കളി..!' സൂര്യകുമാറിന്റെ ഫോംഔട്ടില് ആരാധകര്
- India vs England, 3rd T20 Scorecard: നിരാശപ്പെടുത്തി സഞ്ജുവും സൂര്യയും; രാജ്കോട്ടില് ഇന്ത്യക്ക് തോല്വി
- ചാമ്പ്യൻസ് ട്രോഫി ടീമിൽ നിന്നും ഒഴിവാക്കപ്പെട്ടതിൽ നിരാശയില്ല, ഇന്ത്യയുടേത് മികച്ച ടീമെന്ന് സൂര്യകുമാർ യാദവ്
Suryakumar Yadav: 'ഇന്ത്യയുടെ സൂര്യന്, ഇപ്പോള് ഒട്ടും പ്രകാശമില്ല'; നാലാം ടി20യില് ഡക്ക്, ആരാധകര്ക്കു നിരാശ
ക്യാപ്റ്റന്സി ഏറ്റെടുത്ത ശേഷം സൂര്യയുടെ പെര്ഫോമന്സ് താഴേക്ക് പോകുകയാണെന്ന് ആരാധകര് പറയുന്നു
Suryakumar Yadav
Suryakumar Yadav: ഇംഗ്ലണ്ടിനെതിരായ നാലാം ട്വന്റി 20 യിലും ഇന്ത്യന് നായകന് സൂര്യകുമാര് യാദവ് നിരാശപ്പെടുത്തി. നാലാമനായി ക്രീസിലെത്തിയ സൂര്യ നാല് പന്തുകള് നേരിട്ട് ഡക്കിനു പുറത്തായി. ഇംഗ്ലണ്ട് താരം സാക്കിബ് മഹ്മൂദിന്റെ പന്തില് ബ്രണ്ടന് കാര്സിനു ക്യാച്ച് നല്കിയാണ് സൂര്യ മടങ്ങിയത്.
ക്യാപ്റ്റന്സി ഏറ്റെടുത്ത ശേഷം സൂര്യയുടെ പെര്ഫോമന്സ് താഴേക്ക് പോകുകയാണെന്ന് ആരാധകര് പറയുന്നു. 0, 14, 12, 0, 1, 4, 21 എന്നിങ്ങനെയാണ് സൂര്യയുടെ അവസാന ഏഴ് ട്വന്റി 20 ഇന്നിങ്സുകള്. ഇംഗ്ലണ്ടിനെതിരായ ആദ്യ ടി20 യില് പൂജ്യത്തിനും രണ്ടാം മത്സരത്തില് 12 റണ്സിനും സൂര്യ പുറത്തായി. മൂന്നാം ട്വന്റി 20 യില് 14 റണ്സ് മാത്രമാണ് താരം നേടിയത്. 2024 ലെ ട്വന്റി 20 ലോകകപ്പിനു ശേഷം 34 കാരനായ സൂര്യ 13 ടി20 ഇന്നിങ്സുകളില് നിന്ന് 19.69 ശരാശരിയില് വെറും 256 റണ്സാണ് നേടിയിരിക്കുന്നത്. ഇക്കാലയളവില് രണ്ട് കളികളില് മാത്രമാണ് അര്ധ സെഞ്ചുറി നേടിയത്. 2024 കലണ്ടര് വര്ഷത്തില് 26.81 ശരാശരിയില് 429 റണ്സാണ് താരത്തിനു നേടാന് സാധിച്ചത്. 2022, 23 വര്ഷങ്ങളുമായി താരതമ്യപ്പെടുത്തുമ്പോള് 2024 ലെ കണക്കുകള് സൂര്യയുടെ ഫോംഔട്ടിന്റെ തീവ്രത വ്യക്തമാക്കുന്നു.
2022 ല് 31 ഇന്നിങ്സുകളില് നിന്ന് 46.56 ശരാശരിയിലും 187.43 സ്ട്രൈക് റേറ്റിലും സൂര്യ അടിച്ചുകൂട്ടിയത് 1164 റണ്സ് ! 2023 ല് ആകട്ടെ 23 ഇന്നിങ്സുകളില് നിന്ന് 48.86 ശരാശരിയില് 733 റണ്സെടുത്തിട്ടുണ്ട്, 155.95 ആണ് സ്ട്രൈക് റേറ്റ്. ക്യാപ്റ്റന്സിയുടെ സമ്മര്ദ്ദമാണോ സൂര്യയുടെ ഫോംഔട്ടിനു കാരണമെന്നാണ് ആരാധകര് ചോദിക്കുന്നത്.
