അനുബന്ധ വാര്ത്തകള്
- പേസിന് മുന്നിൽ മുട്ടിടിയ്ക്കുന്നു, ഓസ്ട്രേലിയൻ ലോകകപ്പിൽ ഇന്ത്യയുടെ ദുർബലമായ കണ്ണിയാവുക ശ്രേയസ് അയ്യർ
- സഞ്ജു ഗെയിം ചെയ്ഞ്ചറാണ് അതിൽ ഒരു സംശയവുമില്ല, പക്ഷേ.. ഗവാസ്കർ പറയുന്നു
- 'ഒരു നിമിഷം കളിക്കാരന് ആണെന്ന് കരുതി'; ഓസീസ്-ലങ്ക മത്സരത്തിനിടെ ക്യാച്ചെടുക്കാന് ശ്രമിച്ച് അംപയര്, ചിരിപ്പിച്ച് വീഡിയോ
- കാർത്തികിന് പ്രായം 37, ഭാവിയിൽ ഇന്ത്യയ്ക്ക് ആവശ്യം വരിക ഒരു ഫിനിഷിങ്ങ് താരത്തെ, സഞ്ജു റോൾ മാറണമെന്ന് മുഹമ്മദ് കൈഫ്
- ഭുവിയുടെ തിരിച്ചുവരവ്, ഡെസ്ട്രോയറായി ഡികെ, മധ്യനിരയിൽ വിള്ളലായി പന്ത്, സൗത്താഫ്രിക്ക പരമ്പര ബാക്കിവെയ്ക്കുന്നത്
ഷോട്ട് സെലക്ഷനില് മെച്ചപ്പെട്ടാല് സഞ്ജുവിന് വെല്ലുവിളിയാകാന് ആര്ക്കും പറ്റില്ല; മലയാളി താരത്തിന്റെ കുറവുകള് എണ്ണി പറഞ്ഞ് സുനില് ഗവാസ്കര്
മലയാളി താരം സഞ്ജു സാംസണിന്റെ കുറവുകള് എണ്ണി പറഞ്ഞ് ക്രിക്കറ്റ് ഇതിഹാസം സുനില് ഗവാസ്കര്. സഞ്ജുവിന്റെ കഴിവില് തനിക്ക് യാതൊരു സംശയവുമില്ലെന്നാണ് ഗവാസ്കര് പറയുന്നത്. എന്നാല് സ്ഥിരതയില്ലായ്മയും ഷോട്ട് സെലക്ഷനിലെ പാളിച്ചകളുമാണ് സഞ്ജുവിനെ പിന്നിലേക്ക് കൊണ്ടുപോകുന്നതെന്നും ഗവാസ്കര് പറഞ്ഞു.
' എല്ലാവരും കൂടുതല് അവസരങ്ങള് അര്ഹിക്കുന്നുണ്ട്. എന്നാല് നിങ്ങള് അത് പരമാവധി പ്രയോജനപ്പെടുത്തണം. സഞ്ജുവിന്റെ കഴിവിനെ കുറിച്ച് എല്ലാവര്ക്കും അറിയാം. ഇന്ത്യക്കായി കളിക്കുമ്പോള് ഷോട്ട് സെലക്ഷനില് വരുത്തുന്ന പിഴവുകളാണ് സഞ്ജുവിന് തിരിച്ചടിയാകുന്നത്. ആദ്യ പന്ത് മുതല് ആക്രമിച്ച് കളിക്കാനാണ് അദ്ദേഹം ശ്രമിക്കുന്നത്. ട്വന്റി 20 ഫോര്മാറ്റില് പോലും നിലയുറപ്പിച്ച് കളിക്കാന് അവസരമുണ്ട്. അതിനാല് ഷോട്ട് സെലക്ഷന് മെച്ചപ്പെടുത്തിയാല് കൂടുതല് സ്ഥിരതയോടെ കളിക്കാന് സഞ്ജുവിന് സാധിക്കും. അങ്ങനെ വന്നാല് ആരും ഇന്ത്യന് ടീമില് സഞ്ജുവിന്റെ സ്ഥാനത്തെ ചോദ്യം ചെയ്യില്ല. മത്സരത്തില് ഗതി മാറ്റാനുള്ള സഞ്ജുവിന്റെ കഴിവിനെ ചോദ്യം ചെയ്യാന് ആര്ക്കും സാധിക്കില്ല,' ഗവാസ്കര് പറഞ്ഞു.
