അനുബന്ധ വാര്ത്തകള്
- ആർസിബിയ്ക്ക് വെല്ലുവിളി ഉയർത്തുക ഇന്ത്യൻ സ്പിൻ ജോഡി, മഞ്ഞുമലയിലും അപകടം വിതയ്ക്കാൻ കഴിയുന്നവർ
- സഞ്ജു നിർഭാഗ്യവാൻ, ഇന്ത്യക്കായി ഒരുപാട് മത്സരങ്ങൾ കളിക്കേണ്ട താരം: പ്രശംസയുമായി റാവൽപിണ്ടി എക്സ്പ്രസ്
- ലോകക്രിക്കറ്റിലേ ഏറ്റവും മികച്ച യുവതാരം അവനാണ്, ഗുജറാത്ത് താരത്തെ പുകഴ്ത്തി രവി ശാസ്ത്രി
- സഞ്ജുവിന്റെ അർധസെഞ്ച്വറി പ്രകടനം സീസണിലെ മികച്ച ഇന്നിങ്സുകളിലൊന്ന്: പ്രശംസയുമായി പീറ്റേഴ്സൺ
- റൺ ചേസ് ചെയ്യുമ്പോൾ ദുബെയ്ക്കൊപ്പം ധോനി നിന്നില്ല: വിമർശനവുമായി ഗവാസ്കർ
കുട്ടിക്രിക്കറ്റിലെ നാഴികകല്ലിനരികെ സഞ്ജു സാംസൺ
ഐപിഎല്ലിൽ രാജസ്ഥാൻ റോയൽസ്-റോയൽ ചലഞ്ചേഴ്സ് ബാംഗ്ലൂർ മത്സരത്തിൽ കരിയറിലെ സുപ്രധാനമായ നാഴികകല്ല് പിന്നിടാനൊരുങ്ങി മലയാളി താരം സഞ്ജു സാംസൺ. ടി20 ക്രിക്കറ്റിൽ 5000 റൺസ് എന്ന നാഴികകല്ല് പിന്നിടാൻ 81 റൺസ് മാത്രമാണ് സഞ്ജുവിന് ആവശ്യമുള്ളത്. ടി20 കരിയറിലെ 3153 റൺസും സഞ്ജു നേടിയത് ഐപിഎല്ലിൽ നിന്ന് മാത്രമാണ്.
വൈകീട്ട് ഏഴരയ്ക്ക് മുംബൈയിലാണ് രാജസ്ഥാൻ റോയൽസ്-ആർസിബി പോരാട്ടം.ബട്ട്ലറും സഞ്ജുവും ഹെറ്റ്മെയറും ദേവ്ദത്ത് പടിക്കലും അടങ്ങുന്ന നിര ഇത്തവണ കരുത്തരാണ്. ട്രെന്റ് ബോൾട്ട്, പ്രസിദ്ധ് കൃഷ്ണ, നവദീപ് സെയ്നി, ആർ അശ്വിൻ, യുസ്വേന്ദ്ര ചഹൽ എന്നിവരുൾപ്പെട്ട രാജസ്ഥാന് ബൗളിംഗ് നിരയും സന്തുലിതമാണ് എന്നാണ് വിലയിരുത്തപ്പെടുന്നത്.
അതേസമയം പഞ്ചാബിനോട് തോറ്റ് തുടങ്ങിയ ബാംഗ്ലൂർ, കൊൽക്കത്തയെ മറികടന്ന് വിജയവഴിയിലെത്തി. നായകൻ ഫാഫ് ഡുപ്ലെസി, വിരാട് കോലി, ദിനേശ് കാർത്തിക് എന്നിവരിലാണ് റൺസ് പ്രതീക്ഷ. വാനിന്ദു ഹസരംഗയുടെ ഓൾറൗണ്ട് മികവും ഡെത്ത് ഓവറുകളിൽ ഹർഷൽ പട്ടേൽ, മുഹമ്മദ് സിറാജ് എന്നിവരുടെ സാന്നിധ്യവും ബാംഗ്ലൂരിനെ അപകടകാരികളാക്കുന്നു.
