അനുബന്ധ വാര്ത്തകള്
- ODI World Cup 2023: ലോകകപ്പ് സെമി ഫൈനല് മത്സരങ്ങളും സമയക്രമവും
- സെമി ഫൈനല് കാണാതെ പാക്കിസ്ഥാന് പുറത്ത്
- ചാമ്പ്യന്സ് ട്രോഫിക്ക് യോഗ്യത നേടിയ ടീമുകളുടെ പേരുകള് പുറത്തുവിട്ടു
- എഴുതി തള്ളുകയൊന്നും വേണ്ട; ഫഖര് ഒരു 20-30 ഓവര് ബാറ്റ് ചെയ്താല് കാര്യങ്ങള് എളുപ്പമാകുമെന്ന് ബാബര് അസം
- ടോസ് കിട്ടണം, ആദ്യം ബാറ്റ് ചെയ്ത് 450 അടിക്കണം; പാക്കിസ്ഥാന് ഇന്ന് ഇംഗ്ലണ്ടിനെതിരെ
പോയി ഫസ്റ്റ് ക്ലാസ് ക്രിക്കറ്റ് കളിക്കൂ..! നാണക്കേടിന്റെ റെക്കോര്ഡില് പാക്കിസ്ഥാന് തീയുണ്ട; ലോകകപ്പില് വഴങ്ങിയത് 533 റണ്സ്
ലോകകപ്പ് തുടങ്ങും മുന്പ് പാക്കിസ്ഥാന്റെ എക്സ് ഫാക്ടര് ആകും റൗഫ് എന്നാണ് ആരാധകര് അവകാശപ്പെട്ടിരുന്നത്
ഏകദിന ലോകകപ്പില് നാണക്കേടിന്റെ റെക്കോര്ഡുമായി പാക്കിസ്ഥാന് പേസര് ഹാരിസ് റൗഫ്. ഒരു സിംഗിള് എഡിഷനില് ഏറ്റവും കൂടുതല് റണ്സ് വഴങ്ങുന്ന താരമായിരിക്കുകയാണ് റൗഫ് ഇപ്പോള്. ഒന്പത് ഇന്നിങ്സുകളില് നിന്നായി 533 റണ്സാണ് റൗഫ് വഴങ്ങിയത്.
ഇംഗ്ലണ്ട് സ്പിന്നര് ആദില് റാഷിദിന്റെ പേരിലായിരുന്നു ഈ റെക്കോര്ഡ്. 2019 ഏകദിന ലോകകപ്പില് 526 റണ്സാണ് റാഷിദ് വഴങ്ങിയത്. ഈ ലോകകപ്പില് റൗഫ് 16 വിക്കറ്റുകള് വീഴ്ത്തിയിട്ടുണ്ടെങ്കിലും ഒരു മെയ്ഡന് ഓവര് മാത്രമാണ് എറിയാന് സാധിച്ചത്.
ലോകകപ്പ് തുടങ്ങും മുന്പ് പാക്കിസ്ഥാന്റെ എക്സ് ഫാക്ടര് ആകും റൗഫ് എന്നാണ് ആരാധകര് അവകാശപ്പെട്ടിരുന്നത്. എന്നാല് ആദ്യ മത്സരം മുതല് ഒരു ദയയുമില്ലാതെയാണ് റൗഫ് റണ്സ് വഴങ്ങിയത്. റൗഫിന്റെ മോശം പ്രകടനത്തിനെതിരെ പാക്കിസ്ഥാന് ആരാധകര് തന്നെ രംഗത്തെത്തിയിട്ടുണ്ട്. വീണ്ടും പോയി ഫസ്റ്റ് ക്ലാസ് ക്രിക്കറ്റ് കളിക്കൂ എന്നാണ് റൗഫിനെ പരിഹസിച്ച് ആരാധകര് സോഷ്യല് മീഡിയയില് കുറിക്കുന്നത്.
