അനുബന്ധ വാര്ത്തകള്
- ' വിക്കറ്റ് കിട്ടിയില്ലെങ്കിലും ബുംറയെ എറിഞ്ഞു പരുക്കേല്പ്പിക്കുകയായിരുന്നു അവരുടെ ലക്ഷ്യം'; ഇംഗ്ലണ്ട് ബൗളര്മാര്ക്കെതിരെ ഗുരുതര ആരോപണവുമായി കൈഫ്
- ബുമ്ര 5 ഓവർ പന്തെറിയും പിന്നെ റെസ്റ്റ്, ഇതാണോ വർക്ക് ലോഡ് മാനേജ്മെൻ്റ്?, വിമർശനവുമായി ഇർഫാൻ പത്താൻ
- India vs England Lord's Test: കൈയ്യടിക്കാതെ വയ്യ, ബാറ്റർമാർ പതറിയ ഇടത്ത് പ്രതിരോധം തീർത്തത് ഇന്ത്യൻ വാലറ്റം, താരങ്ങളായി സിറാജും ബുമ്രയും
- India vs England Lord's Test : പോരാട്ടം പാഴായി, ക്രീസിൽ ഹൃദയം തകർന്ന് ജഡേജയും സിറാജും, ലോർഡ്സ് ടെസ്റ്റിൽ ഇന്ത്യയ്ക്ക് 22 റൺസ് തോൽവി
- റൂട്ടിനെ പുറത്താക്കുമ്പോള് ലഭിക്കുന്ന ആത്മവിശ്വാസം വലുതാണ്, പരിക്കിന്റെ സമയത്ത് ആര്ച്ചര് മെസേജ് അയച്ചിരുന്നു : ബുമ്ര
Jasprit Bumrah: വിശ്രമം വെട്ടിച്ചുരുക്കാം; അവസാന രണ്ട് ടെസ്റ്റില് ഒരെണ്ണം ബുംറ കളിക്കും
പരമ്പരയിലെ നാലാം ടെസ്റ്റ് ജൂലൈ 23 നു മാഞ്ചസ്റ്ററില് ആരംഭിക്കും
Jasprit Bumrah
Jasprit Bumrah: ഇംഗ്ലണ്ടിനെതിരായ ടെസ്റ്റ് പരമ്പരയിലെ അവസാന രണ്ട് മത്സരങ്ങളില് ഏതെങ്കിലും ഒന്നില് ജസ്പ്രിത് ബുംറ കളിക്കും. അവസാന രണ്ട് ടെസ്റ്റുകളില് ബുംറയ്ക്കു വിശ്രമം അനുവദിച്ചിരുന്നു. എന്നാല് മൂന്ന് മത്സരങ്ങള് പൂര്ത്തിയാകുമ്പോള് ഇംഗ്ലണ്ട് 2-1 നു ലീഡ് ചെയ്യുന്ന സാഹചര്യത്തില് ശേഷിക്കുന്ന ഒരു മത്സരത്തിലെങ്കിലും ബുംറ വേണമെന്നാണ് ടീം മാനേജ്മെന്റിന്റെ നിലപാട്.
പരമ്പരയിലെ നാലാം ടെസ്റ്റ് ജൂലൈ 23 നു മാഞ്ചസ്റ്ററില് ആരംഭിക്കും. അവസാന രണ്ട് ടെസ്റ്റില് ഒരെണ്ണത്തില് കളിക്കാമെന്ന് ബുംറ ടീം മാനേജ്മെന്റിനെ അറിയിച്ചു. ശേഷിക്കുന്ന മത്സരങ്ങളില് ഒരെണ്ണത്തില് ബുംറയെ ലഭ്യമാകുമെന്ന് ഇന്ത്യയുടെ ബൗളിങ് സഹപരിശീലകന് റയാന് ഡെന് ഡോഷെ പറഞ്ഞു. എന്നാല് നാലാം ടെസ്റ്റില് ബുംറ കളിക്കണോ എന്ന കാര്യം മാഞ്ചസ്റ്റില് വെച്ച് തീരുമാനിക്കുമെന്നും അദ്ദേഹം വ്യക്തമാക്കി.
അഞ്ച് മത്സരങ്ങളുടെ പരമ്പരയില് മൂന്നെണ്ണത്തില് മാത്രമേ ബുംറ ഉണ്ടാകൂവെന്ന് നേരത്തെ ഇന്ത്യന് പരിശീലകന് ഗൗതം ഗംഭീര് പറഞ്ഞിരുന്നു. എന്നാല് പരമ്പരയില് ഇന്ത്യ പ്രതിരോധത്തിലായതുകൊണ്ട് തന്റെ വിശ്രമം വെട്ടിച്ചുരുക്കാന് ബുംറ നിര്ബന്ധിതനായിരിക്കുകയാണ്. മാഞ്ചസ്റ്ററില് കളിക്കാമോയെന്ന് ഇന്ത്യന് മാനേജ്മെന്റ് ബുംറയോടു ചോദിക്കുകയായിരുന്നെന്നാണ് റിപ്പോര്ട്ട്.
അതേസമയം ബുംറയുടെ ജോലിഭാരം കുറയ്ക്കുന്നതിന്റെ ഭാഗമായി ആദ്യ ടെസ്റ്റിനു ശേഷം വിശ്രമം അനുവദിച്ചിരുന്നു. എഡ്ജ്ബാസ്റ്റണില് നടന്ന രണ്ടാം ടെസ്റ്റില് താരം കളിച്ചിട്ടില്ല. അതുകൊണ്ട് കൂടിയാണ് അവസാന രണ്ട് ടെസ്റ്റില് ഒരെണ്ണത്തില് കളിക്കാമെന്ന ബുംറയുടെ തീരുമാനം.
