അനുബന്ധ വാര്ത്തകള്
- ആന്റിജന് പരിശോധന നെഗറ്റീവ് ആകുന്നവര്ക്ക് മാത്രം ആര്ടിപിസിആര്
- കോവിഷീൽഡ് ആദ്യ ഡോസ് നൽകി 16 ആഴ്ച്ചയ്ക്കകം മതി രണ്ടാം കുത്തിവെയ്പ്പ്, പോസിറ്റീവായവർക്ക് വാക്സിൻ ആറ് മാസത്തിന് ശേഷം മാത്രം
- കൊവിഡ് ദുരിതാശ്വാസത്തിന് നടന് സൂര്യ ഒരു കോടി രൂപ തമിഴ്നാട് സര്ക്കാരിന് കൈമാറി
- ഉത്തര്പ്രദേശില് മലയാളി നേഴ്സ് ചികിത്സ ലഭിക്കാതെ മരിച്ചുവെന്ന് ആരോപണം
- രാജ്യത്ത് പുതിയ രോഗികള് 3,62,727; മരണം 4,120
ഒരാളിൽ വ്യത്യസ്തമായ വാക്സിൻ ഡോസുകൾ കുത്തിവെച്ചാൽ എന്ത് സംഭവിക്കും? പഠനഫലം പുറത്ത്
കൊവിഡ് വാക്സിനുകൾ ആവശ്യത്തിന് തികയാത്ത അവസ്ഥയാണ് രാജ്യത്തുള്ളത്. ഒരു ഡോസ് വാക്സിൻ എടുത്തവർ നിർബന്ധമായും അതേ വാക്സിന്റെ രണ്ടാം ഡോസ് തന്നെയായിരിക്കണം എടുക്കേണ്ടത് എന്നതാണ് നിർദേശം. ഇതിനിടെയിൽ രണ്ടാം ഡോസ് മറ്റേതെങ്കിലും വാക്സിൻ സ്വീകരിച്ചാൽ പ്രശ്നമുണ്ടോ എന്നത് പലയിടത്ത് നിന്നും ഉയർന്ന ചോദ്യമാണ്. രണ്ടാം ഡോസ് മറ്റ് വാക്സിനാണ് സ്വീകരിച്ചതെങ്കിൽ എന്ത് സംഭവിക്കും എന്ന ആകാംക്ഷയും ജനങ്ങൾക്കിടയിലുണ്ട്.
ഇപ്പോളിതാ ഒരു വ്യക്തിക്ക് ആദ്യ ഡോസും രണ്ടാം ഡോസും രണ്ട് വ്യത്യസ്ത വാക്സിനുകളാണെങ്കിൽ അതിന്റെ ഫലം എന്തായിരിക്കുമെന്നത് സംബധിച്ച ആദ്യഘട്ട പഠനങ്ങൾ പുറത്തുവന്നിരിക്കുകയാണ്. ഫ്രാൻസിൽ നടത്തിയ പരീക്ഷണത്തിൽ ഇത്തരത്തിൽ വാക്സിൻ കൂട്ടിക്കലർത്തി ഉപയോഗിക്കുന്നത് ഹ്രസ്വകാലത്തേക്ക് ചെറിയതോതിൽ, അതായത് ഗുരുതരമല്ലാത്ത പാർശ്വഫലങ്ങൾ ഉണ്ടാക്കുമെന്നാണ് പറയുന്നത്.
ഫ്രാൻസിൽ നടത്തിയ പരീക്ഷണത്തിൽ ആദ്യ ഡോസ് ആസ്ട്രസെനക്കയും രണ്ടാം ഡോസ് ഫെെസർ വാക്സിനുമാണ് കുത്തിവെച്ചത്. ഇവരിൽ തലവേദന, ക്ഷീണം തുടങ്ങിയ ഹ്രസ്വകാല പാർശ്വഫലങ്ങൾ കണ്ടെത്തിയെന്നാണ് റിപ്പോർട്ട്. ഓക്സ്ഫഡ് സർവകലാശാലയിൽ നിന്നുള്ള ഗവേഷകരാണ് ഇക്കാര്യം ദ ലാൻസറ്റ് മെഡിക്കൽ ജേണലിൽ റിപ്പോർട്ട് ചെയ്തത്.
അമ്പതിന് മുകളിൽ പ്രായമുള്ളവരാണ് പഠനത്തിൽ പങ്കെടുത്തത്. കൂട്ടിക്കലർത്തിയ വാക്സിൻ ഡോസുകൾ സ്വീകരിച്ചവരിൽ പത്ത് ശതമാനത്തിനാണ് കടുത്ത ക്ഷീണവും മറ്റും റിപ്പോർട്ട് ചെയ്തത്. അതേസമയം എത്രത്തോളം പ്രതിരോധശേഷി ഇത്തരത്തിൽ കൂട്ടിക്കലർത്തിയ വാക്സിനുകൾക്ക് നൽകാനാവുമെന്ന് കണ്ടെത്താനായിട്ടില്ലെന്ന് പഠനത്തിന് നേതൃത്വം നൽകിയ ഗവേഷകർ പറഞ്ഞു.
