അനുബന്ധ വാര്ത്തകള്
- തിരുവനന്തപുരം ജില്ലയില് സെക്ടറല് ഓഫീസര്മാരുടെ കര്ശന പരിശോധന; കോവിഡ് പ്രോട്ടോക്കോള് ലംഘിച്ചാല് കടുത്ത നിയമ നടപടി
- ഓണ്ലൈനിലൂടെ പരിശീലനം പൂര്ത്തിയാക്കിയ പുതിയ പോലീസ് കോണ്സ്റ്റബിള് ബാച്ച് പുറത്തിറങ്ങി
- പെണ്കുട്ടികളുടെ വിവാഹപ്രായം ഉയര്ത്തുന്നതില് ഉടന് തീരുമാനം: പ്രധാനമന്ത്രി
- സംസ്ഥാനത്ത് ഇന്ന് എട്ട് ഹോട്ട്സ്പോട്ടുകള്; ആകെ 643 ഹോട്ട്സ്പോട്ടുകള്
- ശബരിമല ദര്ശനത്തിന് എത്തുന്നവര്ക്ക് സാനിറ്റൈസര്, കൈയ്യുറകള് നിര്ബന്ധം: ലോക്നാഥ് ബെഹ്റ
തിരുവനന്തപുരത്ത് 595 പേര്ക്കുകൂടി കോവിഡ്; അഞ്ച് മരണം
തിരുവനന്തപുരം ജില്ലയില് ഇന്ന്(16 ഒക്ടോബര്) 595 പേര്ക്കാണ് കോവിഡ് 19 സ്ഥിരീകരിച്ചത്. ഇതില് 400 പേര്ക്കു സമ്പര്ക്കത്തിലൂടെയാണ് രോഗം ബാധിച്ചത്. 182 പേരുടെ ഉറവിടം വ്യക്തമല്ല. ആറുപേര് വീട്ടുനിരീക്ഷണത്തിലായിരുന്നു. ഒരാള്വിദേശത്തു നിന്നും ഒരാള് അന്യസംസ്ഥാനത്തു നിന്നുമെത്തി. അഞ്ചുപേരുടെ മരണം കോവിഡ് മൂലമാണെന്നും സ്ഥിരീകരിച്ചു.
കാഞ്ഞിരംപാറ സ്വദേശിനി മേരിക്കുട്ടി(56), മണക്കാട് സ്വദേശിനി സുമതി(48), ജഗതി സ്വദേശിനി ശാന്തമ്മ(80), വള്ളക്കടവ് സ്വദേശി തങ്കമ്മ(84), മണക്കാട് സ്വദേശി ചെല്ലപ്പന്(71) എന്നിവരുടെ മരണങ്ങളാണ് കോവിഡ് മൂലമാണെന്നു സ്ഥിരീകരിച്ചത്.
ഇന്നു രോഗം സ്ഥിരീകരിച്ചവരില് 266 പേര് സ്ത്രീകളും 329 പേര് പുരുഷന്മാരുമാണ്. ഇവരില് 15 വയസിനു താഴെയുള്ള 58 പേരും 60 വയസിനു മുകളിലുള്ള 107 പേരുമുണ്ട്. പുതുതായി 3,120 പേര് രോഗനിരീക്ഷണത്തിലായി. ഇവരടക്കം 30,816 പേര് ജില്ലയില് നിരീക്ഷണത്തില് കഴിയുന്നുണ്ട്. 3,149 പേര് നിരീക്ഷണ കാലയളവ് രോഗ ലക്ഷണങ്ങളൊന്നുമില്ലാതെ പൂര്ത്തിയാക്കി. ജില്ലയിലാകെ 10,902 പേരാണ് കോവിഡ് ചികിത്സയില് കഴിയുന്നത്. 780 പേര് ഇന്ന് രോഗമുക്തി നേടി.
