കൊവിഡ് വാക്‌സിന്റെ രണ്ടാം ഘട്ട വിതരണത്തിൽ പ്രധാനമന്ത്രി നരേദ്രമോദിയും മുഖ്യമന്ത്രിമാരും കൊവിഡ് വാക്‌സിൻ സ്വീകരിക്കുമെന്ന് റിപ്പോർട്ട്. രണ്ടാം ഘട്ട വാക്‌സിൻ വിതരണത്തിൽ 50 വയസിന് മുകളിൽ ഉള്ളവർക്കാണ് മുൻഗണന.

ആരോഗ്യപ്രവർത്തകർ,കൊവിഡ് മുൻനിര പ്രവർത്തകർ എന്നിവർക്കായിരുന്നു ആദ്യഘട്ടത്തിൽ വാക്‌സിന്റെ ആദ്യ ഡോസ് നൽകിയത്. ജനുവരി 16നാണ് രാജ്യവ്യാപകമായി വാക്‌സിൻ വിതരണം ചെയ്‌തത്. പ്രധാനമന്ത്രിയെ കൂടാതെ സംസ്ഥാന മുഖ്യമന്ത്രിമാരും അൻപത് വയസിന് മേൽ പ്രായമുള്ള എംപി,എംഎൽഎമാരും മറ്റ് രാഷ്ട്രീയ നേതാക്കളും വാക്‌സിൻ സ്വീകരിക്കുമെന്നാണ് സൂചന.

സിറം ഇൻസ്റ്റിറ്റ്യൂട്ടിന്റെ കോവിഷീൽഡ്,ഭാരത് ബയോടെക്കിന്റെ കോവാക്‌സിൻ എന്നിവയ്‌ക്കാണ് ഇന്ത്യയിൽ വിതരണാനുമതി ഉള്ളത്.