അനുബന്ധ വാര്ത്തകള്
- സംസ്ഥാനത്ത് ഏറ്റവും കൂടുതല് വോട്ടര്മാരുള്ളതും, സ്ത്രീ വോട്ടര്മാരുള്ളതും ഈ ജില്ലയിലാണ്
- കൊവിഡ് വാക്സിനായി ഇന്ത്യയെ സമീപിച്ചത് 92 രാജ്യങ്ങൾ: ആദ്യം അയൽരാജ്യങ്ങൾക്ക്
- നിയമസഭാ തിരഞ്ഞെടുപ്പിനുള്ള അന്തിമ വോട്ടര്പട്ടിക പ്രസിദ്ധീകരിച്ചു; വോട്ടര്മാര് 2,67,31,509 പേര്
- യുകെയില് നിന്നുവന്ന ഒരാള്ക്കു കൂടി കൊവിഡ് സ്ഥിരീകരിച്ചു
- സംസ്ഥാനത്ത് ഇന്ന് കൊവിഡ് സ്ഥിരീകരിച്ചത് 66 ആരോഗ്യപ്രവര്ത്തകര്ക്ക്
സംസ്ഥാനത്ത് ഇന്ന് കൊവിഡ് വാക്സിന് സ്വീകരിച്ചത് 10,953 ആരോഗ്യപ്രവര്ത്തകര്
സംസ്ഥാനത്ത് കോവിഡ് വാക്സിന് കുത്തിവയ്പ്പിന്റെ നാലാം ദിനത്തില് 10,953 ആരോഗ്യ പ്രവര്ത്തകര്ക്ക് കോവിഡ്-19 വാക്സിനേഷന് നല്കിയതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര് അറിയിച്ചു. 135 കേന്ദ്രങ്ങളില് വാക്സിനേഷന് നടന്നു. എറണാകുളം ജില്ലയില് 15 കേന്ദ്രങ്ങളിലും കോഴിക്കോട് ജില്ലയില് 11 കേന്ദ്രങ്ങളിലും തിരുവനന്തപുരം ജില്ലയില് 10 കേന്ദ്രങ്ങളിലും ബാക്കിയുള്ള ജില്ലകളില് 9 കേന്ദ്രങ്ങളില് വീതവുമാണ് വാക്സിനേഷന് നടന്നത്.
എറണാകുളം ജില്ലയിലാണ് ഏറ്റവും കൂടുതല് ആരോഗ്യ പ്രവര്ത്തകര് (1039) വാക്സിന് സ്വീകരിച്ചത്. ആലപ്പുഴ 711, എറണാകുളം 1039, ഇടുക്കി 594, കണ്ണൂര് 880, കാസര്ഗോഡ് 682, കൊല്ലം 819, കോട്ടയം 890, കോഴിക്കോട് 903, മലപ്പുറം 802, പാലക്കാട് 712, പത്തനംതിട്ട 762, തിരുവനന്തപുരം 639, തൃശൂര് 818, വയനാട് 702 എന്നിങ്ങനെയാണ് ഇന്ന് വാക്സിന് സ്വീകരിച്ചവരുടെ എണ്ണം. തിരുവനന്തപുരം ജില്ലയില് ബുധനാഴ്ച 262 പേര്ക്ക് വാക്സിന് നല്കിയിരുന്നു. ഇതോടെ ആകെ 35,773 ആരോഗ്യ പ്രവര്ത്തകരാണ് വാക്സിനേഷന് സ്വീകരിച്ചത്. ആര്ക്കും തന്നെ വാക്സിന് കൊണ്ടുള്ള പാര്ശ്വഫലങ്ങളൊന്നും ഇതുവരെ റിപ്പോര്ട്ട് ചെയ്തിട്ടില്ല.
അടുത്ത ലേഖനം
