അനുബന്ധ വാര്ത്തകള്
- 24 മണിക്കൂറിനിടെ 78,761 പേർക്ക് രോഗം, 948 മരണം രാജ്യത്ത് കൊവിഡ് ബാധിതർ 35 ലക്ഷം കടന്നു
- അൺലോക്ക് 4: സ്കൂളുകൾ തുറക്കാനുള്ള ശ്രമങ്ങൾ ആരംഭിച്ച് കേന്ദ്ര സർക്കാർ, വിദ്യാർത്ഥികൾക്കുള്ള മാർഗനിർദേശങ്ങൾ പുറത്തിറക്കി
- സംസ്ഥാനത്ത് ഇന്ന് കൊവിഡ് സ്ഥിരീകരിച്ചത് 63 ആരോഗ്യപ്രവര്ത്തകര്ക്ക്
- ഇന്ന് സംസ്ഥാനത്ത് കൊവിഡ് സ്ഥിരീകരിച്ചത് 2397 പേര്ക്ക്; 2137പേര്ക്ക് സമ്പര്ക്കം മൂലം രോഗം
- കൊവിഡ് മനുഷ്യ ശരീരത്തിലെ അവയവങ്ങളെയും ബാധിക്കാമെന്ന് എയിംസ് വിദഗ്ധര്
കോവിഡിനെ അതിജീവിച്ച് 110 വയസ്സുകാരി: മഞ്ചേരി മെഡിക്കല് കോളജിന് അഭിമാന നിമിഷം
കോവിഡ് മഹാമാരിക്കെതിരായ പോരാട്ടത്തില് സംസ്ഥാന സര്ക്കാരിന് ഒരു പൊന്തൂവല് കൂടി. കോവിഡ് ബാധിച്ച് മഞ്ചേരി മെഡിക്കല് കോളജില് വിദഗ്ധ ചികിത്സയിലായിരുന്ന 110 വയസ്സുകാരി കോവിഡ് മുക്തയായി. രണ്ടത്താണി വാരിയത്ത് പാത്തുവാണ് കോവിഡിനെ അതിജീവിച്ച് ആശുപത്രിയില് നിന്ന് വീട്ടിലേക്ക് മടങ്ങിയത്. സംസ്ഥാനത്ത് കോവിഡില് നിന്ന് മുക്തി നേടിയ ഏറ്റവും പ്രായം കൂടിയ വ്യക്തിയാണ് ഇവര്.
ഓഗസ്റ്റ് 18നാണ് ഇവര്ക്ക് രോഗം സ്ഥിരീകരിച്ചത്. മകളില് നിന്ന് സമ്പര്ക്കത്തിലൂടെയാണ് പാത്തു രോഗബാധിതയായത്. നേരിയ രോഗലക്ഷണങ്ങള് മാത്രമാണ് ഇവര്ക്ക് ഉണ്ടായിരുന്നത്. പരിഭ്രമങ്ങളില്ലാതെ ശാന്തമായാണ് ഇവര് ചികിത്സയോട് പ്രതികരിച്ചതെന്ന് ആശുപത്രി അധികൃതര് അറിയിച്ചു. രോഗമുക്തി നേടി പൂര്ണ ആരോഗ്യവതിയായി തിരിച്ചുവന്നതില് അതിയായ സന്തോഷമുണ്ടെന്ന് പാത്തുവിന്റെ കുടുംബാംഗങ്ങള് പറഞ്ഞു.
മികച്ച പരിചരണം നല്കിയ ആശുപത്രി ജീവനക്കാര്ക്കും സര്ക്കാരിനും ആരോഗ്യവകുപ്പിനും അവര് നന്ദി രേഖപ്പെടുത്തി. ഇനി 14 ദിവസം കൂടി പാത്തു വീട്ടില് നിരീക്ഷണത്തില് തുടരും.
