കൊവിഡിനെ തടയാൻ സമ്പൂർണ അടച്ചിടൽ തുടരുന്ന ചൈനയിൽ വീണ്ടും രോഗവ്യാപനം രൂക്ഷമാകുന്നു. ബുധനാഴ്ച മാത്രം 31,444 കേസുകളാണ് റിപ്പോർട്ട് ചെയ്തത്. ഏപ്രിൽ 13ന് ശേഷം ആദ്യമായാണ് ഒരു ദിവസം ഇത്രയേറെ പേർക്ക് കൊവിഡ് ബാധിക്കുന്നത്. നവംബർ 6 മുതലാണ് ചൈനയിൽ വീണ്ടും കൊവിഡ് കേസുകൾ കുതിച്ചുയർന്നത്.

കഴിഞ്ഞ ഒരാഴ്ചയായി പ്രതിദിനം 26,000ത്തിലധികം കേസുകളാണ് ചൈനയിൽ റിപ്പോർട്ട് ചെയ്യുന്നത്. ചൈനയുടെ പല പ്രവിശ്യകളിലും ലോക്ഡൗണിന് സമാനമായ സാഹചര്യമാണ് നിലവിലുള്ളത്.