ബീജിങ്ങ്: ചൈനയിൽ വീണ്ടും കൊവിഡ് കേസുകൾ സ്ഥിരീകരിച്ചതായി റിപ്പോർട്ട്. ബീജിങ്ങിലെ ഒരു മാംസ മാർക്കറ്റുമായി ബന്ധപ്പെട്ടാണ് വീണ്ടും പുതിയ കൊവിഡ് കേസുകൾ സ്ഥിരീകരിച്ചിട്ടുള്ളത്. ഇതിനെ തുടർന്ന് ബീജിങ്ങിലെ 11 റെസിഡെൻഷ്യൽ എസ്റ്റേറ്റുകൾ അടച്ചിട്ടു.

തെക്കൻ ബീജിങ്ങിലെ സിന്‍ഫാദി മാംസ മാര്‍ക്കറ്റുമായി ബന്ധപ്പെട്ടാണ് പുതിയ കേസുകള്‍ സ്ഥിരീകരിച്ചത്. ഇതുവരെ 7 കേസുകളാണ് ഇവിടെ നിന്നും റിപ്പോര്‍ട്ട് ചെയ്യപ്പെട്ടത്.പുതിയ കൊവിഡ് കേസുകള്‍ റിപ്പോര്‍ട്ട് ചെയ്ത പശ്ചാത്തലത്തില്‍ സമീപത്തുള്ള ഒമ്പത് സ്‌കൂളുകളും കിന്റര്‍ഗാര്‍ഡനുകളും അടച്ചിട്ടിരിക്കുകയാണ്.