അനുബന്ധ വാര്ത്തകള്
- പകലും വൈകിട്ടുമായി അഭിനയിക്കാമെന്ന് വിചാരിച്ചു, ജീത്തു സാര് സമ്മതിച്ചില്ല; മമ്മൂട്ടി ചിത്രത്തിനായി മോഹന്ലാല് സിനിമ ഉപേക്ഷിക്കേണ്ടിവന്നെന്ന് ഷൈന് ടോം ചാക്കോ
- മമ്മൂട്ടി ചിത്രത്തില് അഭിനയിക്കാന് മോഹന്ലാലിനൊപ്പമുള്ള സിനിമ ഉപേക്ഷിച്ച് ഷൈന് ടോം ചാക്കോ !
- സിബിഐ ഷൂട്ടിംഗ് തിരക്ക് മമ്മൂട്ടിക്ക് കല്യാണത്തില് പങ്കെടുക്കാനായില്ല, വിവാഹശേഷം നടന് ലുക്മാന്
- 'സൂഫിയും സുജാതയും' നടന് ദേവ് മോഹന് വീണ്ടും നായകനാകുന്നു, 'പന്ത്രണ്ട്' ഒരുങ്ങുന്നു
- വിജയ് ആരാധകര് ആഘോഷങ്ങള് തുടങ്ങിക്കോളൂ, 'ബീസ്റ്റ്' റിലീസ് ഡേറ്റ് ഇതാ !
'പരിക്കുകള് വേഗം മാറട്ടെ,ആ മുറിയില് ഒരു ക്യാമറ ഉണ്ടായിരുന്നെങ്കില്'; കുറിപ്പുമായി സംവിധായകന് പ്രശോഭ് വിജയന്
ഷൈന് ടോം ചാക്കോയുടെതായി നിരവധി ചിത്രങ്ങളാണ് റിലീസിന് ഒരുങ്ങുന്നത്. നടന് അഭിനയിച്ച വെയിലാണ് ഒടുവില് പ്രേക്ഷകരിലേക്ക് എത്തിയത്. ഭീഷ്മ പര്വം,ബീസ്റ്റ് തുടങ്ങിയ ചിത്രങ്ങളുടെ റിലീസിനായി കാത്തിരിക്കുകയാണ് താരം.നടനെതിരെ സോഷ്യല് മീഡിയയില് ഉയരുന്ന മോശം കമന്റുകളില് പ്രതികരിക്കുകയാണ് സംവിധായകന് പ്രശോഭ് വിജയന്.
'പ്രിയ ഷൈന് ടോം ചാക്കോ നിങ്ങള്ക്കും നിങ്ങളുടെ സമീപകാല അഭിമുഖങ്ങള്ക്കും ഇടയില് എന്താണ് സംഭവിക്കുന്നതെന്ന് എനിക്കറിയാം.
ഇത് ചെയ്യാന് അവര്ക്ക് അവസരം നല്കരുത്, ഈ ആളുകളെയെല്ലാം അവഗണിക്കുക, പരിക്കുകളില് നിന്ന് ഉടന് സുഖം പ്രാപിക്കുക.
തങ്ങള് വിശ്വസിക്കുന്ന കാര്യങ്ങളില് ഈ ഇന്റര്നെറ്റ് ലോകം വളരെ ജഡ്ജ്മെന്റലാണ്. ഇത്തരക്കാരുടെ ചിന്തകളെയും ചിന്താരീതിയെയുമൊന്നും നമുക്ക് ഒരിക്കലും തിരുത്താനാവില്ല.സിനിമകളുടെ പബ്ലിസിറ്റിക്ക് ഉത്തരവാദികളായ വേറെയും നടന്മാരുണ്ട്, ഇത്രയും വേദനയില് നില്ക്കുമ്പോഴും അതിന്റെയെല്ലാം ഉത്തരവാദിത്തം നിങ്ങള് ഒറ്റക്ക് ചുമലിലേറ്റേണ്ട കാര്യമില്ല.
രതീഷ് രവിക്കൊപ്പം ആദിയുടെ കഥ നിങ്ങളോട് പറഞ്ഞത് ഞാന് ഓര്ക്കുകയാണ്. സോഫയില് അലസമായിരുന്നതും എല്ലാകാര്യങ്ങിലും തമാശകള് പറഞ്ഞിരുന്നതും. അന്ന് ആ മുറിയില് ഒരു ക്യാമറ ഉണ്ടായിരുന്നെങ്കില് അതെല്ലാം വെളിവാകുമായിരുന്നു.'-പ്രശോഭ് വിജയന് കുറിച്ചു.
