കെ ആര്‍ അനൂപ്|
Last Modified ശനി, 15 ജനുവരി 2022 (14:58 IST)
വിജയിനെ നായകനാക്കി നെല്‍സണ്‍ ദിലീപ്കുമാര്‍ സംവിധാനം ചെയ്യുന്ന 'ബീസ്റ്റ്' റിലീസിന് ഒരുങ്ങുന്നു.ചിത്രം 2022 ഏപ്രിലില്‍ റിലീസ് ചെയ്യുമെന്ന് നിര്‍മ്മാതാക്കള്‍ നേരത്തെ അറിയിച്ചിരുന്നു. ഇപ്പോഴിതാ പ്രദര്‍ശന തീയതിയെ കുറിച്ചുള്ള വിവരങ്ങള്‍ പുറത്തുവന്നു.
'ബീസ്റ്റ്' 2022 ഏപ്രില്‍ 14 ന് തമിഴ് പുതുവര്‍ഷ ദിനത്തില്‍ തിയറ്ററുകളിലെത്തും. ചിത്രത്തിലെ ഒരു അഭിനേതാവ് തന്നെയാണ് ഇക്കാര്യം വെളിപ്പെടുത്തിയത്.
നെല്‍സണ്‍ ദിലീപ്കുമാറിന്റെ 'ഡോക്ടര്‍' എന്ന ചിത്രത്തില്‍ അഭിനയിച്ച നടന്‍ റെഡിന്‍ കിംഗ്സ്ലി ആണ് റിലീസിനെ കുറിച്ചുള്ള വിവരങ്ങള്‍ കൈമാറിയത്.
കോവിഡ് കേസുകള്‍ കൂടുന്ന സാഹചര്യത്തില്‍ ഇറങ്ങി മാറാനും സാധ്യതയുണ്ട്.
