അനുബന്ധ വാര്ത്തകള്
- റിലീസിനൊരുങ്ങി ജയസൂര്യ-മഞ്ജുവാര്യര് ചിത്രം മേരി ആവാസ് സുനോ
- മീനാക്ഷിയുടെ ചേച്ചിയാണോ, ആരാധകരുടെ ചോദ്യം, ചിരിയാല് നനയുന്ന കണ്ണുകളെന്ന് മഞ്ജുവാര്യര്
- മുടി കളര് ചെയ്ത് മഞ്ജു, പുത്തന് ഫോട്ടോഷൂട്ടും ഹിറ്റ്!
- മഞ്ജു വാര്യരെയും സൗബിന് സാഹിറിനെയും വെറുതെ അപവാദങ്ങളിലേക്ക് വലിച്ചിഴയ്ക്കുന്നതിന്റെ ഉദ്ദേശ്യം വ്യക്തമല്ല:മഹേഷ് വെട്ടിയാര്
- സൗബിനൊപ്പം മഞ്ജുവാര്യര്, വെള്ളരിക്കാപട്ടണം ചിത്രീകരണം ആരംഭിച്ചു
'അത്ഭുതകരമായ സ്ത്രീ'; മഞ്ജു വാര്യരെ കുറിച്ച് 'കയറ്റം' സംവിധായകന് സനല് കുമാര്
മഞ്ജു വാര്യരെ നായികയാക്കി സനല്കുമാര് ശശിധരന് സംവിധാനം ചെയ്ത ചിത്രമാണ് 'കയറ്റം'.സെക്സി ദുര്ഗയ്ക്കും ചോലയ്ക്കും ശേഷം സനല്കുമാര് ഒരുക്കുന്ന ചിത്രം കൂടിയാണിത്.അപകടം നിറഞ്ഞ ഹിമാലയന് പര്വതനിരകളിലൂടെയുള്ള ട്രെക്കിംഗ് പ്രമേയമായ ചിത്രത്തിന്റെ ട്രെയിലര് ശ്രദ്ധിക്കപ്പെട്ടിരുന്നു. ഇപ്പോഴിതാ മഞ്ജുവിനെ കുറിച്ച് സംവിധായകന് പറഞ്ഞ വാക്കുകളാണ് ശ്രദ്ധനേടുന്നത്.
'എന്റെ ജീവിതത്തിലെ ഒരു വഴിത്തിരിവാണ് കയറ്റം. ആ സിനിമയിലൂടെ എനിക്ക് ഈ അത്ഭുതകരമായ സ്ത്രീയെ കണ്ടുമുട്ടാന് സാധിച്ചു. അവര് ബഹുമുഖ പ്രതിഭയാണ്, നര്ത്തകിയാണ്, എഴുത്തുകാരിയാണ് സംവിധായികയാണ്, അത്ഭുതകരമായ വ്യക്തിത്വമാണ്.
സ്വകാര്യമായി സംസാരിക്കാന് സാഹചര്യം ലഭിച്ചില്ലെങ്കിലും ഇനി സ്വകാര്യമായി ലഭിക്കുന്ന അവസരത്തില് ഞങ്ങളുടെ സംവിധാനങ്ങളെ കുറിച്ച് അവരുടെ അനുഭവങ്ങള് ചോദിച്ചറിയാന് ആഗ്രഹിക്കുന്നു. അവരോടുള്ള എന്റെ ആരാധനയുടെയും സ്നേഹത്തിന്റെയും പേരിലായിരിക്കും കയറ്റം ഓര്മിക്കപ്പെടാന് പോകുന്നതെന്നു തോന്നുന്നു,'-സനല്കുമാര് കുറിച്ചു.
മഞ്ജുവാര്യരെ കൂടാതെ പുതുമുഖം ഗൗരവ് രവീന്ദ്രന് സുജിത് കോയിക്കല്, രതീഷ് ഈറ്റില്ലം, ദേവനാരായണന്, സോനിത് ചന്ദ്രന്, ആസ്ത ഗുപ്ത, അഷിത, നന്ദു ഠാക്കൂര്, ഭൂപേന്ദ്ര ഖുറാന എന്നിവരും മറ്റു വേഷങ്ങളില് എത്തുന്നു.
