ആറു പുരസ്കാരങ്ങൾ; ഓസ്കർ തിളക്കത്തിൽ 'വണ് ബാറ്റില് അഫ്റ്റര് അനദര്'
ബാഫ്റ്റ, ഗോള്ഡണ് ഗ്ലോബ് പുരസ്കാരങ്ങള് ചിത്രത്തിന് ലഭിച്ചിരുന്നു
Paul Thomas Anderson
സെപ്തംബര് 26നായിരുന്നു ചിത്രം പുറത്തിറങ്ങിയത്. ബോക്സോഫീസില് വലിയ തരംഗം സൃഷ്ടിച്ച ചിത്രത്തിൽ പ്രശസ്ത നടന് ലിയോണാര്ഡോ ഡി കാപ്രിയോയായിരുന്നു നായകന്. ഷോണ്പെന്, ബെനീസിയോ ഡെല്ടോറോ, റെജീന ഹാള് എന്നിവരും ചിത്രത്തില് പ്രധാന വേഷത്തില് എത്തിയിരുന്നു. ബാഫ്റ്റ, ഗോള്ഡണ് ഗ്ലോബ് പുരസ്കാരങ്ങള് ചിത്രത്തിന് ലഭിച്ചിരുന്നു. പിന്നാലെ ഓസ്കാര് നേട്ടവും ചിത്രത്തെ തേടി എത്തിയത്.
അതേസമയം സിന്നേഴ്സ് എന്ന ചിത്രത്തിലെ പ്രകടനത്തിന് മൈക്കൽ ബി ജോർദാന് മികച്ച നടനുള്ള ഓസ്കർ ലഭിച്ചു. ഹംനറ്റ് എന്ന ചിത്രത്തിലെ പ്രകടനത്തിന് ജെസ്സി ബക്ലി മികച്ച നടിയായി തെരഞ്ഞെടുക്കപ്പെട്ടു. വെപ്പൺസ് എന്ന ചിത്രത്തിലെ അഭിനയത്തിന് മുതിർന്ന നടി എമി മാഡിഗണെയാണ് മികച്ച സഹനടിയായി തെരഞ്ഞെടുക്കപ്പെട്ടത്. ഓട്ടം ദുറാൾഡ് ആർകപോ, സിന്നേഴ്സിലൂടെ മികച്ച ഛായാഗ്രഹണത്തിനുള്ള പുരസ്കാരം സ്വന്തമാക്കി.
'ദി സിംഗേഴ്സ്', 'ടു പീപ്പിള് എക്സ്ചേഞ്ചിംഗ് സലൈവ' എന്നീ ചിത്രങ്ങൾ മികച്ച ലൈവ്-ആക്ഷന് ഷോര്ട്ട് പുരസ്കാരങ്ങള് നേടി. മികച്ച മേക്കപ്പ് & ഹെയര്സ്റ്റൈലിംഗ് വിഭാഗത്തില് മൈക്ക് ഹില്, ജോര്ദാന് സാമുവല്, ക്ലിയോണ ഫ്യൂറി തുടങ്ങിയവരും പുരസ്കാരം സ്വന്തമാക്കി. കേറ്റ് ഹാവ്ലി മികച്ച വസ്ത്രാലങ്കാരത്തിനുള്ള പുരസ്കാരവും നേടി.
