അനുബന്ധ വാര്ത്തകള്
- പ്രിയ നേതാവിന് കണ്ണീരോടെ വിട, കോടിയേരി ബാലകൃഷ്ണന് ആദരാഞ്ജലി അർപ്പിച്ച് മമ്മൂട്ടിയും മോഹൻലാലും
- പേരുകള് ഇങ്ങനെയൊക്കെയാണ് ചരിത്രമാകുന്നത് അല്ലേ ? അപര്ണ ബാലമുരളിയോട് ജിസ് ജോയ്
- 'കഥകള് മുഴുവന് സത്യമല്ല, കള്ളവുമല്ല'; പിഷാരടിയുടെ 'ചിരി പുരണ്ട ജീവിതങ്ങള്' എന്ന പുസ്തകം പ്രകാശനം ചെയ്ത് മമ്മൂട്ടി
- Rorschach release date: മമ്മൂട്ടിയുടെ റോഷാക്ക് വരുന്നു ! റിലീസ് തിയതി പ്രഖ്യാപിച്ചു
- മമ്മൂട്ടിയുടെ റോഷാക്ക് തിയേറ്ററുകളിലേക്ക്: റിലീസ് പ്രഖ്യാപിച്ചു
ചോദ്യങ്ങളാണോ പ്രശ്നം? ശ്രീനാഥ് ഭാസി വിവാദത്തിൽ പ്രതികരണവുമായി മമ്മൂട്ടി
അഭിമുഖങ്ങളുമായി ബന്ധപ്പെട്ട് സമീപകാലത്തായി ഉയർന്ന വിവാദങ്ങളിൽ പ്രതികരണവുമായി മമ്മൂട്ടി. ചോദ്യങ്ങളും ഉത്തരങ്ങളും സെൻസർ ചെയ്യാനാകില്ലെന്നും സാമാന്യമായ ധാരണയാണ് ഇതിൽ ഉണ്ടാകേണ്ടതെന്നും മമ്മൂട്ടി പറഞ്ഞു. ദോഹയിൽ പുതിയ ചിത്രമായ റോഷാക്കിൻ്റെ പ്രമോഷൻ്റെ ഭാഗമായുള്ള വാർത്താസമ്മേളനത്തിൽ ഒരു ചോദ്യത്തിന് മറുപടി നൽകുകയായിരുന്നു താരം.
അഭിമുഖങ്ങളുമായി ബന്ധപ്പെട്ട് സമീപകാലത്ത് ഉയർന്നുവന്ന വിവാദങ്ങൾ ചോദ്യങ്ങളുടെ പ്രശ്നം കാരണമാണോ ഉത്തരങ്ങളുടെ പ്രശ്നമായിട്ടാണോ തോന്നിയിട്ടുള്ളത് എന്നായിരുന്നു ചോദ്യം. നമ്മൾ തമ്മിലുള്ള ചോദ്യത്തിനും ഉത്തരത്തിനും കുഴപ്പം വരാൻ വഴിയില്ല. അതിനെ പറ്റി ചർച്ച ചെയ്താൽ ഒരു ദിവസം മതിയാകാതെ വരും. ഓരോരുത്തരും അവരവർ നേരിടുന്ന ചോദ്യങ്ങൾക്കാണ് മറുപടി പറയുന്നത്. അതിനെ നിയന്ത്രിക്കാനോ സെൻസർ ചെയ്യാനോ കഴിയില്ല.
അതിന് സാമാന്യമായ ധാരണയാണ് വേണ്ടത്. അതുമായി ബന്ധപ്പെട്ട ചർച്ചകൾ നടക്കട്ടെയെന്നും മമ്മൂട്ടി പറഞ്ഞു. ഏഴാം തീയ്യതിയാണ് റോഷാക് റിലീസ് ചെയ്യുന്നത്. മമ്മൂട്ടി കമ്പനിയാണ് ചിത്രത്തിൻ്റെ നിർമാണം നിർവഹിക്കുന്നത്.
