യൂട്യൂബിൽ കോമഡി സീരീസുകൾ പുറത്തിറക്കി ഒരു വർഷത്തിനുള്ളിൽ തന്നെ മലയാളികൾക്കിടയിൽ വൻ സ്വീകാര്യത സ്വന്തമാക്കിയ കരിക്ക് ടീം നെറ്റ്‌ഫ്ലിക്‌സുമായി സഹകരിക്കുന്നു. തേരാ പാര എന്ന വെബ്‌സീരീസിലൂടെ ആരംഭിച്ച കരിക്ക് ടീം അതിന് ശേഷവും പല സീരീസുകളിലൂടെ മലയാളികളെ രസിപ്പിച്ചിരുന്നു.

കരിക്ക് ടീം തന്നെയാണ് നെറ്റ്‌ഫ്ലിക്‌സുമായി സഹകരിക്കുന്ന കാര്യം സ്ഥിരീകരിച്ചത്. സ്കെച്ച് എന്ന് പേരിട്ട പുതിയ പ്രോജക്‌ട് ഏപ്രിൽ മൂന്നാം തീയ്യതി 11 മണിക്ക് നെറ്റ്‌ഫ്ലിക്‌സിലും യൂട്യൂബിലും ഇൻസ്റ്റഗ്രാമിലും ഫേസ്‌ബുക്കിലുമായി റിലീസ് ചെയ്യുമെന്നാണ് കരിക്ക് ടീം വ്യക്തമാക്കിയത്. സമൂഹമാധ്യമങ്ങളിലൂടെയാണ് കരിക്ക് ഇക്കാര്യം വ്യക്തമാക്കിയത്.