ജയസൂര്യയുടെ നൂറാമത്തെ ചിത്രം സണ്ണി ഒരുങ്ങുകയാണ്. ഇതുവരെ കാണാത്ത വ്യത്യസ്തമായൊരു അനുഭവമായിരിക്കും പ്രേക്ഷകർക്ക് ഈ സിനിമയിൽ നിന്ന് ലഭിക്കുക. ദുബായിൽ നിന്ന് കൊച്ചിയിലേക്ക് എത്തുന്ന സംഗീതജ്ഞന്റെ കഥയാണ് സണ്ണി പറയുന്നത്. താടി നീട്ടി വളർത്തി കണ്ണടയിട്ട് വേറിട്ട ലുക്കിൽ ജയസൂര്യ എത്തുന്നത്. സംഗീതജ്ഞന്റെ വേഷത്തിൽ ജയസൂര്യ തകർത്തഭിനയിച്ചു എന്നാണ് അറിയാൻ കഴിയുന്നത്. സിനിമയുടെ പോസ്റ്റ് പ്രൊഡക്ഷൻ ജോലികൾ പുരോഗമിക്കുകയാണ്. സിനിമയുടെ സൗണ്ട് ഡിസൈനിങ് ജോലികൾ നടക്കുകയാണ്. തിരക്കുകൾക്കിടയിൽ നിന്ന് ജയസൂര്യയുടെ സിനിമയിൽ നിന്നുള്ള ഒരു ഫോട്ടോ കാണിച്ചു കൊണ്ട് സംവിധായകൻ രഞ്ജിത്ത് ശങ്കർ തന്നെയാണ് ഇക്കാര്യം അറിയിച്ചത്.

കുറച്ചുനാൾ മുമ്പ് പുറത്തിറങ്ങിയ ചിത്രത്തിന്റെ ടീസർ സണ്ണിയുടെ വ്യത്യസ്തങ്ങളായ ഭാവങ്ങൾ ഉൾക്കൊള്ളിച്ചു കൊണ്ടായിരുന്നു പുറത്തുവന്നത്. ജയസൂര്യയുടെ ഒരു കഥാപാത്രം മാത്രമേ സിനിമയിൽ ഉള്ളൂ എന്നും പറയപ്പെടുന്നു. ശങ്കർ ശർമയുടെതാണ് സംഗീതം. ഡ്രീംസ് എൻ ബിയോണ്ടിന്റെ ബാനറിൽ രഞ്ജിത്ത് ശങ്കറാണ് ചിത്രം നിർമ്മിക്കുന്നത്.