കെ ആര്‍ അനൂപ്|
Last Modified വ്യാഴം, 12 ഓഗസ്റ്റ് 2021 (10:50 IST)
ബോളിവുഡ് താരസുന്ദരി സാറ അലി ഖാന്റെ 26-ാം ജന്മദിനമാണ് ഇന്ന്.രാവിലെ മുതലേ സോഷ്യല്‍ മീഡിയയിലൂടെ ഹിന്ദി സിനിമാലോകം നടിക്ക് ആശംസകളുമായി എത്തി.12 ഓഗസ്റ്റ് 1995നാണ് സാറ ജനിച്ചത്. സെയ്ഫ് അലി ഖാന്റെയും അമൃത സിങ്ങിന്റെയും മകളാണ് സാറ.മന്‍സൂര്‍ അലി ഖാന്‍ പട്ടൗഡിയുടെയും ഷര്‍മിള ടാഗോറിന്റെയും ചെറുമകളും കൂടിയാണ് നടി.
സെയ്ഫ് അലി ഖാന്റെ ആദ്യവിവാഹത്തിലുള്ള മക്കളാണ് സാറയും സഹോദരന്‍ ഇബ്രാഹിമും. സെയ്ഫും അമൃത സിങ്ങും 2004-ല്‍ വിവാഹമോചിതരായി.2012 ഒക്ടോബറില്‍ ആയിരുന്നു സെയ്ഫും കരീനയും തമ്മിലുള്ള വിവാഹം.തൈമൂര്‍, ജെ എന്നീ പേരുള്ള രണ്ട് ആണ്‍കുട്ടികള്‍ ഇരുവര്‍ക്കും ഉണ്ട്.കരീന രണ്ടാമതും അമ്മയായത് ഇക്കഴിഞ്ഞ ഫെബ്രുവരിയിലാണ്.
