Lucky Bhaskar: കേരളത്തിലും ദുല്ഖറിന്റെ ലക്ക് തെളിഞ്ഞു, റിലീസ് ദിനം തന്നെ ലക്കി ഭാസ്കറിന്റെ സ്ക്രീന് കൗണ്ട് കൂട്ടി
Lucky Baskhar Teaser
ഇന്നലെ റിലീസ് ചെയ്ത ലക്കി ഭാസ്കര് എന്ന തെലുങ്ക് സിനിമയാണ് മികച്ച പ്രേക്ഷക പ്രതികരണം നേടി മുന്നേറുന്നത്. കേരളത്തിലും റിലീസ് ദിനത്തില് വലിയ പ്രതികരണമാണ് സിനിമയ്ക്ക് ലഭിച്ചത്. പ്രീമിയര് ഷോയിലും സോഷ്യല് മീഡിയയിലും മികച്ച അഭിപ്രായം നേടിയതോടെ ആദ്യദിനത്തില് കേരളത്തില് സിനിമയുടെ സ്ക്രീന് കൗണ്ട് ഉയര്ത്തിയിരുന്നു. കേരളത്തില് 175 സ്ക്രീനുകളിലായിരുനു സിനിമ റിലീസ് ചെയ്തിരുന്നത്. ഇത് 207 ആയി ഉയര്ത്തി. ആദ്യദിനത്തില് തന്നെ സിനിമയ്ക്ക് ഇത്തരത്തില് സ്ക്രീന് കൗണ്ട് ഉയര്ത്തുന്നത് അപൂര്വമാണ്. ഇതോടെ തെലുങ്കിന് പുറമെ മലയാളത്തിലും സിനിമ ഹിറ്റടിക്കുമെന്ന് ഉറപ്പായിരിക്കുകയാണ്.
വെങ്കി ആറ്റ്ലൂരി രചനയും സംവിധാനവും നിര്വഹിച്ചിരിക്കുന്ന സിനിമയില് ഭാസ്കര് എന്ന ടൈറ്റില് കഥാപാത്രമായാണ് ദുല്ഖര് എത്തുന്നത്. മീനാക്ഷി ചൗധരിയാണ് സിനിമയിലെ നായിക. 1980-1990 കാലഘട്ടത്തിലെ മുംബൈ പശ്ചാത്തലമാക്കിയുള്ള പീരിയഡ് ഡ്രാമയില് ഒരു ബാങ്ക് കാഷ്യറുടെ റോളിലാണ് ദുല്ഖര് എത്തുന്നത്.
